ಮಡಿಕೇರಿ, ಜ. 28: ಇರ್ಪು ಶ್ರೀ ರಾಮೇಶ್ವರ ದೇವಾಲಯದಲ್ಲಿ ಫೆಬ್ರವರಿ 2 ರಿಂದ 7ರ ತನಕ ವಿವಿಧ ದೇವತಾ ಕೈಂಕರ್ಯಗಳೊಂದಿಗೆ ಸನ್ನಿಧಿಯಲ್ಲಿ ಅಷ್ಟಬಂಧ ಬ್ರಹ್ಮಕಲಶೋತ್ಸವ ಜರುಗಲಿದೆ. ಕರ್ನಾಟಕ ದಾರ್ಮಿಕ ದತ್ತಿ ಇಲಾಖೆಗೆ ಒಳಪಟ್ಟಿರುವ ಈ ದೇವಾಲಯದಲ್ಲಿ ಫೆ. 2 ರಿಂದ ನಿಲೇಶ್ವರ ತಂತ್ರಿಗಳ ನೇತೃತ್ವದಲ್ಲಿ ವಿವಿಧ ಧಾರ್ಮಿಕ ವಿಧಿವಿಧಾನಗಳು ಆರಂಭಗೊಳ್ಳಲಿದೆ. ತಾ. 7 ರಂದು ಉಷಾಕಾಲದಲ್ಲಿ ಗಣಪತಿ ಹೋಮ, ಪೂಜೆಯೊಂದಿಗೆ ಹಗಲು 10 ಗಂಟೆಗೆ ಮೀನಾ ಲಗ್ನದಲ್ಲಿ ಉಪದೇವರುಗಳ ಪ್ರತಿಷ್ಠಾಪನೆ, ಬ್ರಹ್ಮಕಲಶ, ಕಲಶಾಭಿಷೇಕ, ಮಹಾಪೂಜೆಯೊಂದಿಗೆ ಅನ್ನದಾನ ಏರ್ಪಡಿಸಲಾಗಿದೆ ಎಂದು ದೇವಾಲಯ ಸಮಿತಿ ಪ್ರಕಟಣೆ ತಿಳಿಸಿದೆ.