ಶನಿವಾರಸಂತೆ, ಜ. 28: ಶನಿವಾರಸಂತೆ ಸಮೀಪದ ತ್ಯಾಗರಾಜ ಕಾಲೋನಿಯ ಪರಿಶಿಷ್ಟ ಜಾತಿ ಕಾಲೋನಿ ರಸ್ತೆಗೆ ರೂ. 3.72 ಲಕ್ಷ ಹಾಗೂ ಹಂಡ್ಲಿ ಪಂಚಾಯಿತಿ ವ್ಯಾಪ್ತಿಯ ಶಿರಂಗಾಲ ಗ್ರಾಮದ ರಸ್ತೆಗೆ ರೂ. 3.50 ಲಕ್ಷ ವೆಚ್ಚದ ಕಾಮಗಾರಿಗಳಿಗೆ ಜಿ.ಪಂ. ಸದಸ್ಯ ಸಿ.ಡಿ. ಪುಟ್ಟರಾಜು ತಮ್ಮ ಅನುದಾನದಲ್ಲಿ ಒಟ್ಟು ರೂ. 7.22 ಲಕ್ಷ ವೆಚ್ಚದ ರಸ್ತೆ ಕಾಮಗಾರಿಗೆ ಭೂಮಿಪೂಜೆ ನೆರವೇರಿಸಿದರು.

ಈ ಸಂದರ್ಭ ಶನಿವಾರಸಂತೆ ಗ್ರಾ.ಪಂ. ಮಾಜಿ ಅಧ್ಯಕ್ಷ ಎಂ.ಎ. ಆದಿಲ್‍ಪಾಶ, ದುಂಡಳ್ಳಿ ಗ್ರಾ.ಪಂ. ಮಾಜಿ ಅಧ್ಯಕ್ಷ ಡಿ.ಪಿ. ಬೋಜಪ್ಪ, ಜಮಾತ್ ಅಧ್ಯಕ್ಷ ಖಾದರ್, ಗ್ರಾಮಸ್ಥರಾದ ಲೋಕೇಶ್, ಇಸ್ಮಾಯಿಲ್, ಮಲ್ಲೇಶ್, ರವಿ, ಸುರೇಶ್, ಶಿವ, ಅಬ್ದುಲ್ಲಾ, ಗುತ್ತಿಗೆದಾರ ಕುಮಾರಸ್ವಾಮಿ ಇತರರು ಉಪಸ್ಥಿತರಿದ್ದರು.