ಕಡಂಗ, ಜ. 29: ಸ್ಥಳೀಯ ಪ್ರತಿಷ್ಠಿತ ಬದ್ರಿಯ ಶಿಕ್ಷಣ ಸಂಸ್ಥೆಯಲ್ಲಿ ಕಳೆದ 9 ವರ್ಷಗಳಿಂದ ಮಾಸಿಕ ನಡೆಸಲ್ಪಡುವ ಆಧ್ಯಾತ್ಮಿಕ ಬದರ್ ಮೌಲಿದ್‍ನ 103ನೇ ಮಜಿಲಿಸ್ ಸಮಸ್ತ ಕೇಂದ್ರ ಮುಷವಾರ ಸದಸ್ಯ ಸಯ್ಯದ್ ಫಝಲ್ ಕೊಯಮ್ಮ ತಂಗಳ್ ಕೂರರವರ ಮುಂದಾಳತ್ವದಲ್ಲಿ ಅದ್ಧೂರಿಯಾಗಿ ನಡೆಸಲಾಯಿತು. ಉದ್ಘಾಟನೆಯನ್ನು ಜಿಲ್ಲಾ ಉಪ ಖಾಜಿ ಸೈಕುನಾ ಮಹಮೂದ್ ಉಸ್ತಾದ್‍ರು ನೆರವೇರಿಸಿದರು.

ಮುಖ್ಯ ಅತಿಥಿಗಳಾಗಿ ಕೂರ್ಗ್ ಜಂಇಯ್ಯತ್‍ಉಲ್ ಉಲಮಾದ ಕಾರ್ಯದರ್ಶಿ ಅಶ್ರಫ್ ಅಹಸನಿ ವೀರಾಜಪೇಟೆ, ಜಲೀಲ್ ಸಖಾಫಿ, ಅಬೂಬಕರ್ ಹಾಜಿ ಹಾಕತ್ತೂರು, ಎಸ್.ಎಸ್.ಎಫ್. ಜಿಲ್ಲಾ ಕಾರ್ಯದರ್ಶಿ ನಿಸಾರ್ ಸಖಾಫಿ ಪಾಲ್ಗೊಂಡಿದ್ದರು.

ಸಭಾಧ್ಯಕ್ಷತೆಯನ್ನು ಜಮಾಅತ್ ಅಧ್ಯಕ್ಷ ಸಿ.ಎಂ. ಸುಲೈಮಾನ್ ವಹಿಸಿದ್ದರು. ಬದ್ರಿಯ ಜುಮಾ ಮಸೀದಿ ಖತೀಬ ಹ್ಯಾರಿಸ್ ಸಖಾಫಿ ಸ್ವಾಗತಿಸಿದರು. ಜಮಾಅತ್ ಕಾರ್ಯದರ್ಶಿ ಆಶಿಕ್ ವಂದಿಸಿದರು.