ವೀರಾಜಪೇಟೆ, ಜ. 29: ಅಂತರ್ರಾಷ್ಟ್ರೀಯ ಕರಾಟೆ ಅಸೋಸಿಯೇಷನ್ ಮೈಸೂರಿನಲ್ಲಿ ಆಯೋಜಿಸಿದ್ದ ಅಂತರ ಶಾಲಾ ಕರಾಟೆ ಪಂದ್ಯಾವಳಿಯಲ್ಲಿ ವೀರಾಜಪೇಟೆಯ ಕಾವೇರಿ ಶಾಲೆಯ ವಿದ್ಯಾರ್ಥಿಗಳು ಭಾಗವಹಿಸಿ ವಿಜೇತರಾಗಿದ್ದಾರೆ. 8ನೇ ತರಗತಿಯ ಪಿ.ಎ. ಅಯ್ಯಪ್ಪ ಮೈನಸ್ 45 ಕೆ.ಜಿ. ತೂಕದ ಕುಮಿತೆ ವಿಭಾಗದಲ್ಲಿ ಪ್ರಥಮ ಸ್ಥಾನ ಪಡೆದು ಚಿನ್ನದ ಪದಕ ಹಾಗೂ ಕಥಾ ವಿಭಾಗದಲ್ಲಿ ದ್ವಿತೀಯ ಸ್ಥಾನ ಪಡೆದು ಬೆಳ್ಳಿಯ ಪದಕಗಳಿಸಿದ್ದಾರೆ. 8ನೇ ತರಗತಿಯ ಪಿ.ಪಿ. ಲಿತನ್ ಮುತ್ತಪ್ಪ ಮೈನಸ್ 50 ಕೆ.ಜಿ. ತೂಕದ ಕುಮಿತೆ ವಿಭಾಗದಲ್ಲಿ ಪ್ರಥಮ ಸ್ಥಾನಗಳಿಸಿ ಚಿನ್ನದ ಪದಕ ಪಡೆದುಕೊಂಡಿದ್ದಾರೆ. 3ನೇ ತರಗತಿಯ ಸೋಮಣ್ಣ ಎ.ಎಂ. ಮೈನಸ್ 25 ಕೆ.ಜಿ. ತೂಕದ ಕಥಾ ವಿಭಾಗದಲ್ಲಿ ದ್ವಿತೀಯ ಸ್ಥಾನ ಪಡೆದು ಬೆಳ್ಳಿಯ ಪದಕಗಳಿಸಿದ್ದಾರೆ. 3ನೇ ತರಗತಿಯ ಕೆ.ಎಸ್. ಕೃತಿಕಾ ಅಕ್ಕಮ್ಮ ಕಥಾ ವಿಭಾಗದಲ್ಲಿ ತೃತೀಯ ಸ್ಥಾನಗಳಿಸಿ ಕಂಚಿನ ಪದಕಕ್ಕೆ ಭಾಜನರಾಗಿದ್ದಾರೆ.