ಸುಂಟಿಕೊಪ್ಪ, ಜ. 31: ಸೋಮವಾರ ಪೇಟೆ ತಾಲೂಕಿನ ಸುಂಟಿಕೊಪ್ಪ ಗ್ರಾಮ ಪಂಚಾಯಿತಿಯ 2ನೇ ವಿಭಾಗದ ಸುಮಾರು 25 ಕುಟುಂಬಗಳು ವಾಸ ಮಾಡುವ ಲಕ್ಮೀ ಬಡಾವಣೆ ಎಂಬ ಜಾಗಕ್ಕೆ ಅಬ್ದುಲ್ ಕಲಾಂ ಬಡಾವಣೆ ಎಂದು ನಾಮಕರಣ ಮಾಡಲಾಯಿತು.

ಸುಂಟಿಕೊಪ್ಪ ಗ್ರಾಮ ಪಂಚಾಯಿತಿ ವತಿಯಿಂದ ಈ ಹಿಂದೆ ನಡೆದ ವಾರ್ಡ್ ಸಭೆಯಲ್ಲಿ ಗ್ರಾಮಸ್ಥರಾದ ಆರ್.ಹೆಚ್. ಶರೀಫ್ ಲಕ್ಮೀ ಬಡಾವಣೆ ಎಂಬ ಜಾಗಕ್ಕೆ ವಿಜ್ಞಾನಿ ಮಾಜಿ ಪ್ರದಾನಿ ದಿವಂಗತ ಅಬ್ದುಲ್ ಕಲಾಂ ಅವರ ಹೆಸರನ್ನು ಲಕ್ಮೀ ಬಡಾವಣೆಗೆ ನಾಮಕರಣ ಮಾಡುವಂತೆ ಒತ್ತಾಯಿಸಿದ್ದರು. ನಂತರ ಪಂಚಾಯಿತಿ ಮಾಸಿಕ ಸಭೆಯಲ್ಲಿ ಈ ಬಗ್ಗೆ ತೀರ್ಮಾಣ ಕೈಗೊಂಡು ಇದೀಗ ಲಕ್ಮೀ ಬಡಾವಣೆ ಎಂಬ ಜಾಗಕ್ಕೆ ಅಬ್ದುಲ್ ಕಲಾಂ ಬಡಾವಣೆ ಎಂದು ನಾಮಕರಣ ಮಾಡಲಾಗಿದೆ. ಈ ಸಂದರ್ಭ ಪಂಚಾಯಿತಿ ಅಧ್ಯಕ್ಷೆ ರೋಸ್‍ಮೇರಿ ರಾಡ್ರಿಗಸ್. ಪಿಡಿಓ ವೇಣುಗೋಪಾಲ್, ತಾಲೂಕು ಪಂಚಾಯಿತಿ ಸದಸ್ಯೆ ಓಡಿಯಪ್ಪನ ವಿಮಲಾವತಿ, ಪಂಚಾಯಿತಿ ಸದಸ್ಯರಾದ ರೆಹನಾ ಸುಲ್ತಾನ, ನಾಗರತ್ನ ಗ್ರಾಮಸ್ಥರಾದ ಎಂ.ಎಸ್. ರವಿ, ಧರ್ಮರಾಜ್, ರಫೀಕ್, ಮಣಿ ಹಾಜರಿದ್ದರು.