ಬ್ರದರ್ಸ್ ಗದ್ದೆಹಳ್ಳ ಚಾಂಪಿಯನ್

ಚೆಟ್ಟಳ್ಳಿ, ಜ. 31: ಸುಂಟಿಕೊಪ್ಪ ಸಮೀಪದ ಅಮಿಟಿ ಯುನೈಟೆಡ್ ಗದ್ದೆಹಳ್ಳ ಫುಟ್ಬಾಲ್ ಕ್ಲಬ್ ವತಿಯಿಂದ ಗದ್ದೆಹಳ್ಳದ ಸೈಟ್ ಮೈದಾನದಲ್ಲಿ ಗಣರಾಜ್ಯೋತ್ಸವ ಅಂಗವಾಗಿ ನಡೆದ ಎರಡನೇ ವರ್ಷದ ರಾಜ್ಯ ಮಟ್ಟದ ಸೂಪರ್ ಫೈವ್ಸ್ ಕಾಲ್ಚೆಂಡು ಪಂದ್ಯಾಟದಲ್ಲಿ ಬ್ರದರ್ಸ್ ಗದ್ದೆಹಳ್ಳ ತಂಡವು ಪ್ರಥಮ ಸ್ಥಾನವನ್ನು ಪಡೆಯಿತು.

ಫೈನಲ್ ಪಂದ್ಯಾಟವು ಬಿ.ಎಫ್.ಸಿ "ಬಿ" ಕೊಡಗು ಹಾಗೂ ಬ್ರದರ್ಸ್ ಗದ್ದೆಹಳ್ಳ ತಂಡಗಳ ನಡುವೆ ನಡೆಯಿತು. 3-2 ಗೋಲುಗಳ ಅಂತರದಿಂದ ಬ್ರದರ್ಸ್ ಗದ್ದೆಹಳ್ಳ ತಂಡ ಗೆಲುವು ಸಾಧಿಸಿತು.

ಪಂದ್ಯಾಟದ ಅತ್ಯುತ್ತಮ ಆಟಗಾರ ಬಿ.ಎಫ್.ಸಿ "ಬಿ" ತಂಡದ ದಿವಾಕರ್,ಅತ್ಯುತ್ತಮ ಗೋಲ್ ಕೀಪರ್ ಬ್ರದರ್ಸ್ ತಂಡದ ತರುಣ್, ಅತ್ಯುತ್ತಮ ಡಿಫೆಂಡರ್ ಬಿ.ಎಫ್.ಸಿ "ಬಿ" ತಂಡದ ರಂಗ, ಅತೀ ಹೆಚ್ಚು ಗೋಲು ಬಾರಿಸಿದ ಆಟಗಾರ ಬ್ರದರ್ಸ್ ತಂಡದ ಜುನೈದ್, ಅತ್ಯುತ್ತಮ ತಂಡದ ಪ್ರಶಸ್ತಿಯನ್ನು ಅಮಿಟಿ "ಸಿ" ತಂಡ ಪಡೆದುಕೊಂಡಿತು. ಪಂದ್ಯಾವಳಿಯಲ್ಲಿ ಒಟ್ಟು 40 ತಂಡಗಳು ಭಾಗವಹಿಸಿದ್ದರು. ಪ್ರಶಸ್ತಿ ವಿತರಣಾ ಕಾರ್ಯಕ್ರಮದಲ್ಲಿ ಜಿಲ್ಲಾ ಪಂಚಾಯತ್ ಸದಸ್ಯ ಲತೀಫ್ ಸುಂಟಿಕೊಪ್ಪ, ಗ್ರಾಮ ಪಂಚಾಯತಿ ಸದಸ್ಯ ಕರೀಂ, ಅಮಿಟಿ ಯುನೈಟೆಡ್ ಸಂಘದ ಬಶೀರ್, ಮಾಜಿ ಗ್ರಾಮ ಪಂಚಾಯತಿ ಸದಸ್ಯರಾದ ಆನಂದ, ನಾಗರತ್ನ, ಕೌಶಿಕ್ ಗದ್ದೆಹಳ್ಳ, ಜಾವಮನೆ ಮುಸ್ತಫಾ, ಲೈಫ್‍ಲೈನ್ ಟಿಂಬರ್ ಇಬ್ರಾಹಿಂ, ಇದ್ದರು.