ಚೆಟ್ಟಳ್ಳಿ, ಫೆ. 3: ಜಿಲ್ಲೆಯ ಅತ್ಯುತ್ತಮ ಧಾರ್ಮಿಕ ಮತ್ತು ಲೌಕಿಕ ವಿದ್ಯಾ ಸಂಸ್ಥೆ ಅನ್ವಾರುಲ್ ಹುದಾದಲ್ಲಿ ನೂತನವಾಗಿ ಆಯ್ಕೆಯಾದ ಜಿಲ್ಲಾ ಎಸ್.ವೈ.ಎಸ್ ನಾಯಕರನ್ನು ಸನ್ಮಾನಿಸಲಾಯಿತು. ಸಯ್ಯಿದ್ ಇಲ್ಯಾಸ್ ಅಲ್ ಹೈದರೂಸಿ ಅಸ್ಸಖಾಪಿ ನೇತೃತ್ವದಲ್ಲಿ ನಡೆದ ಮಾಸಿಕ ಅಸ್ಮಾ-ಉಲ್ ಹುಸ್ನಾ ರಾತೀಬ್‍ನಲ್ಲಿ ಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಶೈಖುನಾ ಅಹ್ಸನಿ ಉಸ್ತಾದ್ ಸಂದೇಶ ಭಾಷಣ ಮಾಡಿದರು. ಕೊಡಗು ಜಿಲ್ಲಾ ಎಸ್.ಎವೈ.ಎಸ್ ನೂತನ ಅಧ್ಯಕ್ಷÀ ಅಬಲ್ಲಾ ಸಖಾಫಿ ಕೊಳಕ್ಕೇರಿ, ಪ್ರಧಾನ ಕಾರ್ಯದರ್ಶಿ ಮೊಯ್ದೀನ್ ಪೊನ್ನತ್ಮೊಟ್ಟೆ, ಕೋಶಾಧಿಕಾರಿ ಇಬ್ರಾಹಿಂ ಕಲ್ಲುಬಾಣೆ ಹಾಗೂ ಕರ್ನಾಟಕ ಮುಸ್ಲಿಂ ಜಮಾಅತ್‍ನ ಕೊಡಗು ಜಿಲ್ಲಾ ಪ್ರಧಾನ ಕಾರ್ಯದರ್ಶಿಯಾಗಿ ಆಯ್ಕೆಯಾದ ಮುಹಮ್ಮದ್ ಹಾಜಿ ಕುಂಜಿಲ ಅವರನ್ನು ಸಯ್ಯಿದ್ ಎರುಮಾಡ್ ತಂಙಳ್ ಹಾಗೂ ಅನ್ವಾರುಲ್ ಹುದಾ ಕೇಂದ್ರ ಸಮಿತಿ ಸದಸ್ಯರ ನೇತೃತ್ವದಲ್ಲಿ ಸನ್ಮಾನಿಸಲಾಯಿತು. ಸಭೆಯಲ್ಲಿ ಮುಹಮ್ಮದ್ ಸಖಾಫಿ ಕೊಟ್ಟಮುಡಿ, ಅಲವಿ ಹಾಜಿ, ಅಬೂಬಕ್ಕರ್ ಹಾಜಿ, ಉಮರ್ ಕಲ್ಲುಬಾಣ, ಉಸ್ಮಾನ್ ಕಡಂಗ, ಸುಲೈಮಾನ್ ಕಡಂಗ, ಅಬೂಬಕ್ಕರ್ ಕಡಂಗ, ಖಾಲಿದ್ ಫೈಝಿ, ಮಮ್ಮಿ ಹಾಜಿ ಗುಂಡಿಗೆರೆ, ಸತ್ತಾರ್ ಚೇರಂಬಾಣೆ ಹಾಗೂ ಇನ್ನಿತರರು ಉಪಸ್ಥಿತರಿದ್ದರು.