ಶನಿವಾರಸಂತೆ, ಫೆ. 3: ಸಮೀಪದ ಮನೆಹಳ್ಳಿಮಠ ತಪೋವನ ಕ್ಷೇತ್ರದಲ್ಲಿ ನೂತನವಾಗಿ ನಿರ್ಮಿಸಲಾಗಿರುವ ಬಿಲ್ವ ಗೋಶಾಲೆ ಲೋಕಾರ್ಪಣೆ ಕಾರ್ಯಕ್ರಮ ತಾ. 5 ರಂದು ಬೆಳಿಗ್ಗೆ 9 ಗಂಟೆಗೆ ತಪೋವನ ಆವರಣದಲ್ಲಿ ನಡೆಯಲಿದೆ. ಗೋಶಾಲೆ ಸೇವಾಕರ್ತರಾದ ಬೆಂಗಳೂರಿನ ಡಾ. ಬಿ.ಎಂ. ಲತಾ, ಡಾ. ಲಹರಿ, ಬಡುಬನಹಳ್ಳಿ ಕುಟುಂಬಸ್ಥರು, ಸರಳಾಕ್ಷಿ ಬಸಪ್ಪ, ಲಿಂಗೈಕೈ ಬಿ.ಆರ್. ಮಲ್ಲಪ್ಪ ಕುಟುಂಬಸ್ಥರು ಪಾಲ್ಗೊಳ್ಳಲಿದ್ದಾರೆ. ಅನ್ನ ದಾಸೋಹ ಏರ್ಪಡಿಸಲಾಗಿದೆ ಎಂದು ಮನೆಹಳ್ಳಿಮಠದ ಮಹಾಂತ ಶಿವಲಿಂಗ ಸ್ವಾಮೀಜಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.