ಸಿದ್ದಾಪುರ, ಫೆ. 4: ಕೊಡುಙಲ್ಲೂರ್ ಭಗವತಿ ವೆಳಿಚಪಾಡ್ ಸಂಘದ 6ನೇ ವರ್ಷದ ಜಿಲ್ಲಾ ಸಮಾವೇಶ ಹಾಗೂ ಕುಟುಂಬ ಸಂಗಮ ಕಾರ್ಯಕ್ರಮವು ತಾ. 5 ರಂದು (ಇಂದು) ನೆಲ್ಲಿಹುದಿಕೇರಿ ಶ್ರೀ ಮುತ್ತಪ್ಪ ಸಭಾಂಗಣದಲ್ಲಿ ನಡೆಯಲಿದೆ. ಬೆಳಿಗ್ಗೆ 9:30 ಕ್ಕೆ ತಾಲಪೊಲಿ ಮತ್ತು ಚೆಂಡೆಮೇಳದೊಂದಿಗೆ ಶೋಭಾ ಯಾತ್ರೆ ಕಾವೇರಿ ನದಿ ತೀರದಿಂದ ನೆಲ್ಲಿಹುದಿಕೇರಿ ಮುತ್ತಪ್ಪ ಸಭಾಂಗಣದವರೆಗೆ ನಡೆಯಲಿದೆ. ಶೋಭಾಯಾತ್ರೆಯನ್ನು ಸಿದ್ದಾಪುರ ಪೊಲೀಸ್ ಠಾಣಾಧಿಕಾರಿ ಹೆಚ್.ಎಸ್. ಬೋಜಪ್ಪ ಹಾಗೂ ಡಾ. ಉದಯ್ ಕುಮಾರ್ ಉದ್ಘಾಟಿಸಲಿದ್ದಾರೆ. ಬೆಳಿಗ್ಗೆ 10:30ಕ್ಕೆ ಸಭಾ ಕಾರ್ಯಕ್ರಮ ನಡೆಯಲಿದ್ದು ಅಧ್ಯಕ್ಷತೆಯನ್ನು ಕೆ.ಬಿ.ವಿ.ಎಸ್. ಜಿಲ್ಲಾಧ್ಯಕ್ಷ ವಿ.ಎನ್. ಕಿಶನ್ ವಹಿಸಲಿದ್ದಾರೆ. ಕಾರ್ಯಕ್ರಮ ಉದ್ಘಾಟನೆಯನ್ನು ವಿಧಾನ ಪರಿಷತ್ ಸದಸ್ಯ ಸುನಿಲ್ ಸುಬ್ರಮಣಿ ಉದ್ಘಾಟಿಸಲಿದ್ದಾರೆ. ಅತಿಥಿಗಳಾಗಿ ಶ್ರೀಧರನ್ ವೆಳಿಚಪಾಡ್, ಎಸ್.ಎನ್.ಡಿ.ಪಿ. ಜಿಲ್ಲಾ ಯೂನಿಯನ್ ಅಧ್ಯಕ್ಷ ವಿ.ಕೆ. ಲೋಕೇಶ್, ನೆಲ್ಲಿಹುದಿಕೇರಿ ಗ್ರಾ.ಪಂ. ಅಧ್ಯಕ್ಷೆ ಪದ್ಮಾವತಿ, ಮುತ್ತಪ್ಪ ದೇವಾಲಯದ ಅಧ್ಯಕ್ಷೆ ಪಿ.ಡಿ. ಚೀಯಣ್ಣ, ನಂಜರಾಯಪಟ್ಟಣ ಗ್ರಾ.ಪಂ. ಸದಸ್ಯ ಸುಮೇಶ್ ಟಿ.ಕೆ., ಕೆ.ಬಿ.ವಿ.ಎಸ್. ರಾಜ್ಯಾಧ್ಯಕ್ಷ ಸುಭದ್ರ ವೆಳಿಚಪಾಡ್, ಪ್ರಧಾನ ಕಾರ್ಯದರ್ಶಿ ಶಿಬು ಸ್ವಾಮಿ, ಜಿಲ್ಲಾ ಹಿಂದೂ ಮಲಯಾಳಿ ಸಂಘದ ಪ್ರಧಾನ ಕಾರ್ಯದರ್ಶಿ ಪಿ.ಕೆ. ಶಶಿಕುಮಾರ್, ಮುಖ್ಯ ಭಾಷಣಗಾರರಾಗಿ ಶಿವನ್ ಕೃಷ್ಣಗಿರಿ ಭಾಗವಹಿಸಲಿದ್ದಾರೆ. ಮಧ್ಯಾಹ್ನ ಅನ್ನ ಸಂತರ್ಪಣೆ ಏರ್ಪಡಿಸಲಾಗಿದೆ.