ಮಡಿಕೇರಿ, ಫೆ. 3: ವಾರ್ತಾ ಇಲಾಖೆಯಿಂದ ಕೊಡಗಿನ ಹಿರಿಯ ಸಾಹಿತಿ ಹಾಗೂ ಬಹುಮುಖ ಪ್ರತಿಭೆಯ ಜಾನಪದ ತಜ್ಞರಾದ ಬಾಚರಣಿಯಂಡ ಪಿ. ಅಪ್ಪಣ್ಣ ಅವರ ಕುರಿತಾದ ಸಾಕ್ಷ್ಯಚಿತ್ರ ಕುಶಾಲನಗರ, ಮಡಿಕೇರಿ ಮತ್ತು ಚೇರಂಬಾಣೆ ಮತ್ತಿತರ ಕಡೆ ಚಿತ್ರೀಕರಣವಾಗುತ್ತಿದೆ.

ಬೆಂಗಳೂರಿನ ಸುಚಿತಾ ಎಸ್. ಮೂರ್ತಿ ಅವರು ಸಾಕ್ಷ್ಯಚಿತ್ರದ ನಿರ್ದೇಶಕರು. ಛಾಯಾಗ್ರಹಣ ಮತ್ತು ತಾಂತ್ರಿಕ ನಿರ್ದೇಶನ ಹೆಸರಾಂತ ಸಿರಿಗಂಧ ಶ್ರೀನಿವಾಸಮೂರ್ತಿ ಅವರದ್ದು. ಕ್ಯಾಮರಾಮನ್ ರಾಮು ನರಹಳ್ಳಿ ಜೊತೆ ತಾಂತ್ರಿಕ ವರ್ಗದಲ್ಲಿ ಮೇಚಂಡ ರಾಜ್ ಮಾಚಯ್ಯ, ಬೊಪ್ಪಂಡ ವರ್ಷ ಕಾವೇರಮ್ಮ, ಮುದ್ದಂಡ ರೇಖಾ. ಬಿ ಹಾಗೂ ಕೊಡವ ಸಾಹಿತ್ಯ ಅಕಾಡೆಮಿ ಮಾಜಿ ಅಧ್ಯಕ್ಷೆ ರಾಣಿಮಾಚಯ್ಯ, ನಿವೃತ್ತ ಉಪನ್ಯಾಸಕಿ ರಾಣು ಅಪ್ಪಣ್ಣ ಹಾಗೂ ರಂಗ ಕರ್ಮಿ ಹಾಗೂ ನಿರ್ದೇಶಕ ಅಲ್ಲಾರಂಡ ವಿಠಲ ನಂಜಪ್ಪ ಕಾರ್ಯ ನಿರ್ವಹಿಸುತ್ತಿದ್ದಾರೆ.

-ಚಿತ್ರ, ವರದಿ : ಅಲ್ಲಾರಂಡ ವಿಠಲ ನಂಜಪ್ಪ