ಸುಂಟಿಕೊಪ್ಪ, ಫೆ. 9: ಗರಗಂದೂರಿನ ಶ್ರೀ ಕುರುಂಭ ಭಗವತಿ ಭದ್ರಕಾಳಿ ದೇವಾಲಯದ ಪ್ರತಿಷ್ಠಾಪನಾ ಕಾರ್ಯಕ್ರಮ ತಾ. 27, 28, 29 ರಂದು ನಡೆಯಲಿದೆ.

ತಾ. 27 ರಂದು ರಾತ್ರಿ 9 ಗಂಟೆಗೆ ವಾಸ್ತು ಹೋಮ ಮತ್ತು ಅಘೋರ ಹೋಮ. ತಾ. 28 ರಂದು ಬೆಳಿಗ್ಗೆ 8 ಗಂಟೆಯಿಂದ ಮೀನಾ ಲಗ್ನದಲ್ಲಿ ಗಣಪತಿ ಹೋಮ, ಪ್ರತಿಷ್ಠಾಹೋಮ, ಕಲಾ ಹೋಮ, ಪ್ರತಿಷ್ಠೆ ಪೂಜೆ ಮತ್ತು ಅಭಿಷೇಕ, ಮಂಗಳಾರತಿ 12.30ಕ್ಕೆ ಅನ್ನದಾನ ನಡೆಯಲಿದೆ. ಮಧ್ಯಾಹ್ನ 3.30 ಗಂಟೆಗೆ ಶ್ರೀ ಮುತ್ತಪ್ಪ ದೇವರ ಮಲೆ ಇಳಿಸುವುದು, ಸಂಜೆ 6 ಗಂಟೆಗೆ ಶ್ರೀ ಮುತ್ತಪ್ಪ ವೆಳ್ಳಾಟಂ, ರಾತ್ರಿ ಅನ್ನದಾನ, ವಸೂರಿ ದೇವಿಯ ವೆಳ್ಳಾಟಂ ನಡೆಯಲಿದೆ.

ತಾ. 29 ರಂದು ಬೆಳಿಗ್ಗೆ 9 ಗಂಟೆಗೆ ಶ್ರೀ ವಸೂರಿ ದೇವಿಯ ತೆಯ್ಯಂ, 12.30 ಅನ್ನದಾನ, ಮಧ್ಯಾಹ್ನ 2 ಗಂಟೆಗೆ ಶ್ರೀ ಕುರುಂಭ ಭಗವತಿ ವೆಳಿಚ್ಚಪಾಡ್ ಕೋಮರಂ ಮತ್ತು ಗುರುಧೀ ದರ್ಪಣಂ ನಡೆಯಲಿದೆ.

ರಾಜೇಶ್ ತಂಡದವರ ಚಂಡೆಮೇಳ ವಸೂರಿ ತೆಯ್ಯಂ, ಮುತ್ತಪ್ಪ ವೆಳ್ಳಾಟಂ ತ್ಯಾಗತ್ತೂರು ತಂಡದ ಚಂಡೆಮೇಳ ಕಾಸರಗೋಡಿನ ತಂತ್ರಿಗಳಾದ ಪದ್ಮನಾಭ ಭಟ್ ಪ್ರತಿಷ್ಠಾಪೂಜೆ ನಡೆಸಿಕೊಡಲಿದ್ದಾರೆ.