ಸೋಮವಾರಪೇಟೆ, ಏ. 19: ತಾಲೂಕಿನ ಕೊಡ್ಲಿಪೇಟೆಯಲ್ಲಿರುವ ಡಾ. ಬಿ.ಆರ್. ಅಂಬೇಡ್ಕರ್ ಪ್ರತಿಮೆ ನಿರ್ಮಾಣ ಸಮಿತಿಯ ವತಿಯಿಂದ ಸಂವಿಧಾನ ಶಿಲ್ಪಿಯ ಜನ್ಮದಿನವನ್ನು ಆಚರಿಸಲಾಯಿತು.

ಕೊಡ್ಲಿಪೇಟೆ ಜಂಕ್ಷನ್‍ನಲ್ಲಿ ಅಂಬೇಡ್ಕರ್ ಅವರ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಸಲ್ಲಿಸಲಾಯಿತು. ಈ ಸಂದರ್ಭ ಸಮಿತಿಯ ಪ್ರಮುಖರಾದ ಜೆ.ಎಲ್. ಜನಾರ್ಧನ್, ವಸಂತ್, ಇಂದ್ರೇಶ್, ಕಾಳಯ್ಯ, ಚಂದ್ರಶೇಖರ್, ಹೇಮಂತ್, ಕಾರ್ತಿಕ್, ಪ್ರಕಾಶ್, ವಿಜಯ್ ಸೇರಿದಂತೆ ಇತರರು ಉಪಸ್ಥಿತರಿದ್ದರು.