ಭಾಗಮಂಡಲ, ಸೆ. 29: ಭಾಗಮಂಡಲ ಹಾಗೂ ತಲಕಾವೇರಿ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಈ ಹಿಂದಿನ ಇತಿಹಾಸದಂತೆ ತಕ್ಕರಾಗಿದ್ದರು ಎಂದು ಹೇಳಲಾಗಿರುವ ಮಂಡೀರ, ಮಣವಟ್ಟಿರ ಹಾಗೂ ಪಟ್ಟಮಾಡ ಈ ಮೂರು ಕುಟುಂಬಸ್ಥರಿಂದ ಇಂದು ಕ್ಷೇತ್ರ ವ್ಯಾಪ್ತಿಯಲ್ಲಿ ಜಂಟಿಯಾಗಿ ಶ್ರಮದಾನ ನಡೆಯಿತು. ಬೆಳಿಗ್ಗೆ ಜಮಾವಣೆಗೊಂಡ ಮೂರು ಕುಟುಂಬದ ಸದಸ್ಯರುಗಳು ಭಗಂಡೇಶ್ವರ ಕ್ಷೇತ್ರ ಹಾಗೂ ತಲಕಾವೇರಿಯಲ್ಲಿ ವಿಶೇಷ ಪೂಜೆ- ಪ್ರಾರ್ಥನೆ ಬಳಿಕ ಶ್ರಮದಾನದ ಮೂಲಕ ಸ್ವಚ್ಛತಾ ಕಾರ್ಯ ಕೈಗೊಂಡರು. ಈ ಸಂದರ್ಭ ಮಂಡೀರ ಕುಟುಂಬದವರಾದ ದೇವಿ ಪೂಣಚ್ಚ, ಮನು, ಜಯ, ರೋಷನ್, ರಿಪನ್, ಬಬ್ಬು, ನಂದ, ಸಚಿನ್, ಮಣವಟ್ಟಿರ ಪಾಪು, ದಯಾ, ಚಿಣ್ಣಪ್ಪ, ಪ್ರಕಾಶ್, ಪಟ್ಟಮಾಡ ಪೊನ್ನಪ್ಪ, ಮಣಿ ಪೂವಯ್ಯ, ಗಿರಿ, ವಿಜಯ್, ತಿಮ್ಮಯ್ಯ ಮತ್ತಿತರರು ಪಾಲ್ಗೊಂಡಿದ್ದರು.