ವೀರಾಜಪೇಟೆ, ಸೆ. 29: ಕೊಡಗು ಜಿಲ್ಲಾ ಕಾಂಗ್ರೆಸ್ ಅಲ್ಪಸಂಖ್ಯಾತ ಘಟಕದ ಉಪಾಧ್ಯಕ್ಷರಾಗಿ ವೀರಾಜಪೇಟೆ ತಾಲೂಕು ಗುಂಡಿಕೆರೆಯ ನಿವಾಸಿ ಎಂ.ಎ. ಇಸ್ಮಾಯಿಲ್ ಆಯ್ಕೆಗೊಂಡಿದ್ದಾರೆ.

ಕಾಂಗ್ರೆಸ್ ಕಚೇರಿಯಲ್ಲಿ ನಡೆದ ಸರಳ ಸಮಾರಂಭದಲ್ಲಿ ರಾಜ್ಯ ಕಾಂಗ್ರೆಸ್ ಪಕ್ಷದ ಉಪಾಧ್ಯಕ್ಷ ರಫೀಕ್ ಅಹ್ಮದ್, ಜಿಲ್ಲಾ ಕಾಂಗ್ರೆಸ್ ಅಲ್ಪಸಂಖ್ಯಾತ ಘಟಕದ ಜಿಲ್ಲಾಧ್ಯಕ್ಷ ಎಂ.ಎ. ಉಸ್ಮಾನ್, ವಕ್ಪ್ ಅಧ್ಯಕ್ಷ ಯಾಕೂಬ್, ಜಿಲ್ಲಾ ಹಾಗೂ ಬ್ಲಾಕ್‍ನ ಮುಖಂಡರುಗಳ ಉಪಸ್ಥಿತಿಯಲ್ಲಿ ಕೆದಮುಳ್ಳೂರು ಗ್ರಾಮ ಪಂಚಾಯಿತಿ ಮಾಜಿ ಸದಸ್ಯ ಹಾಗೂ ಗುಂಡಿಕೆರೆ ನಿವಾಸಿ ಎಂ.ಎ. ಇಸ್ಮಾಯಿಲ್ ಅವರನ್ನು ಪಕ್ಷದ ಆಯ್ಕೆ ಪತ್ರ ನೀಡುವುದರೊಂದಿಗೆ ಉಪಾಧ್ಯಕ್ಷರಾಗಿ ನಿಯುಕ್ತಿಗೊಳಿಸ ಲಾಯಿತು.

ಸಭೆಯಲ್ಲಿ ವಿವಿಧ ಘಟಕದ ಮುಂಚೂಣಿಯ ನಾಯಕರು, ಪಕ್ಷದ ಕಾರ್ಯಕರ್ತರು ಹಾಜರಿದ್ದರು.