ಗೋಣಿಕೊಪ್ಪಲು, ಸೆ.29: ತಾಲೂಕು ಪಂಚಾಯ್ತಿಯ ನೂತನ ಕಾರ್ಯನಿರ್ವಹಣಾಧಿಕಾರಿಯಾಗಿ ಭಡ್ತಿ ಪಡೆದು ಅಧಿಕಾರ ಸ್ವೀಕರಿಸಿರುವ ಕೊಣಿಯಂಡ ಅಪ್ಪಣ್ಣ ಅವರನ್ನು ಪೊನ್ನಂಪೇಟೆ ನಾಡು ನಾಗರಿಕ ವೃಂದದ ವತಿಯಿಂದ ಸನ್ಮಾನಿಸಿ ಗೌರವಿಸಲಾಯಿತು.

ಈ ಸಂದರ್ಭ ಮಾತನಾಡಿದ ಮಾಜಿ ಜಿಲ್ಲಾ ಪಂಚಾಯ್ತಿ ಸದಸ್ಯ ಮೂಕಳೇರ ಕುಶಾಲಪ್ಪ ತಾಲೂಕು ಪಂಚಾಯ್ತಿಯಲ್ಲಿ ಸಿಕ್ಕಿರುವ ಉನ್ನತ ಹುದ್ದೆಯ ಅವಕಾಶವನ್ನು ಸದ್ಬಳಕೆ ಮಾಡುವ ಮೂಲಕ ಜನರ ಸಮಸ್ಯೆಗಳನ್ನು ಬಗೆಹರಿಸುವಂತಾಗÀಬೇಕೆಂದು ಹೇಳಿದರು.

ಈ ಹಿಂದೆ ಕರ್ತವ್ಯದಲ್ಲಿದ್ದ ಇಓ ಹೆಚ್.ಎ. ಷಣ್ಮುಗಂ ಅವರು ಮಂಡ್ಯ ಜಿಲ್ಲಾ ಪಂಚಾಯ್ತಿಯ ಸಹಾಯಕ ಯೋಜನಾಧಿಕಾರಿಯಾಗಿ ಭಡ್ತಿ ಹೊಂದಿದ ಹಿನೆÀ್ನಲೆಯಲ್ಲಿ ಅವರ ಸ್ಥಾನ ತೆರವಾಗಿತ್ತು. ಈ ಸಂದರ್ಭ ಕಿಗ್ಗಟ್ಟುನಾಡಿನ ಹಿರಿಯ ನಾಗರಿಕ ಫಾರ್ಮ್‍ನ ಪ್ರಧಾನ ಕಾರ್ಯದರ್ಶಿ ಜಿಮ್ಮಿಅಣ್ಣಯ್ಯ, ಪೊನ್ನಂಪೇಟೆ ಗ್ರಾಮ ಪಂಚಾಯ್ತಿಯ ಅಧ್ಯಕ್ಷರಾದ ಮೂಕಳೇರ ಸುಮಿತಗಣೇಶ್, ಕೊರಕುಟ್ಟೀರ ಬೇಬಿ ನಂಜಪ್ಪ, ಕಿರುಗೂರು ಗ್ರಾಮ ಪಂಚಾಯ್ತಿ ಮಾಜಿ ಸದಸ್ಯರಾದ ಪಡಿಜ್ಞಾರಂಡ ಕೆ.ಗಿರೀಶ್, ಕಾಕೇರ ರವಿ, ತೀತಿರ ಜಯ, ಕಾಂಗ್ರೆಸ್ ಕಿಶಾನ್ ಸಂಘದ ಉಪಾಧ್ಯಕ್ಷ ಚೆರಿಯಪಂಡ ಸನ್ನಿಕುಶಾಲಪ್ಪ, ಅಜ್ಜಿಕುಟ್ಟೀರ ಅಪ್ಪಾಜಿ, ಕಚೇರಿಯ ಸಿಬ್ಬಂದಿ ಮುಂತಾದವರು ಹಾಜರಿದ್ದರು.