ಶ್ರೀಮಂಗಲ, ಸೆ. 30: ಶ್ರೀಮಂಗಲ ಹೋಬಳಿ ನಾಲ್ಕೇರಿ ಗ್ರಾಮದ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದಿಂದ ಸಂಘದ ವ್ಯಾಪ್ತಿಯಲ್ಲಿ ಕೆಲಸ ನಿರ್ವಹಿಸುವ ಕೋವಿಡ್-19 ಯೋಧರಿಗೆ ಸನ್ಮಾನ ಮಾಡಲಾಯಿತು.

ಸಂಘದ ಅಧ್ಯಕ್ಷರಾದ ತಡಿಯಂಗಡ ಡಿ. ಸುಬ್ಬಯ್ಯ ಅವರ ಅಧ್ಯಕ್ಷತೆಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಕೋವಿಡ್ -19 ಯೋಧರ ಸೇವೆಯನ್ನು ಶ್ಲಾಘಿಸಲಾಯಿತು.

ಕಾರ್ಯಕ್ರಮದಲ್ಲಿ ನಿರ್ದೇಶಕಿ ಮಾಚಿಮಾಡ ಆಶಾ, ಚಿರಿಯಪಂಡ ಪಾಲಿ, ಆಶಾಕಾರ್ಯಕರ್ತೆ ಪವಿತ್ರ ಅವರಿಗೆ ಹಾಗೂ ಗ್ರಾಮದ ದಾದಿ ಅಶ್ವಿನಿ ಅವರಿಗೆ ಶಾಲು ಹೊದಿಸಿ ಸನ್ಮಾನಿಸಿದರು. ಉಪಾಧ್ಯಕ್ಷರಾದ ಚಿಮ್ಮಂಗಡ ಗಣೇಶ ಚೆಕ್ಕನ್ನು ನೀಡಿ ಗೌರವಿಸಿದರು. ನಿರ್ದೇಶಕರು ಹಾಗೂ ಸಂಘದ ಅಧಿಕಾರಿ ಸಿಬ್ಬಂದಿ ವರ್ಗ ಹಾಜರಿದ್ದರು.