ಶನಿವಾರಸಂತೆ, ಸೆ. 30: ಸೋಮವಾರಪೇಟೆ ತಾಲೂಕಿನ ಅರಶಿನಕುಪ್ಪೆ ಗ್ರಾಮದ ನಿವಾಸಿ ಧರ್ಮಶೆಟ್ಟಿ (40) ಅವರು ಚಾಲಿಸುತ್ತಿದ್ದ ಟಿವಿಎಸ್ ಮೋಟಾರ್ ಸೈಕಲ್ (ಕೆಎ 12 ಕೆ 6725) ಆಲೂರು ಸಿದ್ದಾಪುರದ ಬದಿಯಲ್ಲಿರುವ ವಿದ್ಯುತ್ ಕಂಬಕ್ಕೆ ಡಿಕ್ಕಿಯಾದ ಪರಿಣಾಮ ತಲೆಯ ಭಾಗಕ್ಕೆ ಪೆಟ್ಟು ಬಿದ್ದು, ರಾತ್ರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟ ಪ್ರಕರಣ ಶನಿವಾರಸಂತೆ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ.

ಸ್ಥಳಕ್ಕೆ ಡಿವೈಎಸ್‍ಪಿ ಶೈಲೇಂದ್ರ, ಠಾಣಾಧಿಕಾರಿ ಹೆಚ್.ಇ. ದೇವರಾಜ್ ಹಾಗೂ ಎಎಸ್‍ಐ ಶಿವಲಿಂಗ ಭೇಟಿ ನೀಡಿ ಪರಿಶೀಲಿಸಿದರು. ಮೃತರ ಸಂಬಂಧಿ ಎ.ಆರ್. ಶಶಿ ಶನಿವಾರಸಂತೆ ಪೊಲೀಸ್ ಠಾಣೆಗೆ ನೀಡಿದ ದೂರಿನ ಮೇರೆ ಪೊಲೀಸರು ಕಾಲಂ 279, 304 (ಎ) ಐಪಿಸಿ ರಿತ್ಯಾ ಪ್ರಕರಣ ದಾಖಲಿಸಿಕೊಂಡು ಮೋಟಾರ್ ಸೈಕಲನ್ನು ವಶಪಡಿಸಿಕೊಂಡಿರುತ್ತಾರೆ.