*ಕೊಡ್ಲಿಪೇಟೆ, ಅ. 13: ಉಲಮಾ ಮಡಿಕೇರಿ ರೇಂಜ್ ಸಮಿತಿ ವತಿಯಿಂದ ಅನುಸ್ಮರಣೆ ಹಾಗೂ ಪ್ರಾರ್ಥನಾ ಕಾರ್ಯಕ್ರಮ ಸಮೀಪದ ಹ್ಯಾಂಡ್‍ಪೆÇೀಸ್ಟ್ ನೂರ್ ಮಹಲ್‍ನಲ್ಲಿ ನಡೆಯಿತು. ಇತ್ತೀಚೆಗೆ ನಿಧನರಾದ ಜಿಲ್ಲಾ ಮದ್ರಸ ಮ್ಯಾನೇಜ್‍ಮೆಂಟ್ ಸಮಿತಿಯ ಅಧ್ಯಕ್ಷರಾಗಿದ್ದ ಉಸ್ಮಾನ್ ಹಾಜಿ ಸಿದ್ದಾಪುರ, ಮಡಿಕೇರಿ ರೇಂಜ್ ಮದ್ರಸ ಮ್ಯಾನೇಜ್ಮೆಂಟ್ ಸಮಿತಿಯ ಅಧ್ಯಕ್ಷರಾಗಿದ್ದ ಅಬ್ಬಾಸ್ ಹಾಜಿ ಬ್ಯಾಡಗೊಟ್ಟ, ಮಡಿಕೇರಿಯ ಧರ್ಮ ಗುರುಗಳಾದ ಬಾಬಜಾನ್ ಉಸ್ತಾದ್ ಅವರುಗಳಿಗೆ ಶ್ರದ್ಧಾಂಜಲಿ ಸಲ್ಲಿಸಲಾಯಿತು.

ಮದ್ರಸಾ ಅಧ್ಯಾಪಕರ ಸಂಘವಾದ "ಜಂಯ್ಯುಯತ್ತುಲ್ ಉಲಮಾ" ವತಿಯಿಂದ ಆಯೋಜಿಸಿದ್ದ ಅನುಸ್ಮರಣೆ ಹಾಗೂ ತಹ್‍ಲೀಲ್ ಸಮರ್ಪಣೆ ಕಾರ್ಯಕ್ರಮದಲ್ಲಿ ಜಿಲ್ಲಾ ಉಪ ಖಾಝಿಗಳಾದ ಅಬ್ದುಲ್ಲಾ ಪೈಝಿ ಅವರು ಪ್ರಾರ್ಥನೆಯ ನೇತೃತ್ವ ವಹಿಸಿದ್ದರು.

ರೇಂಜ್ ಜಂಯ್ಯುಯತ್ತುಲ್ ಉಲಮಾ ಅಧ್ಯಕ್ಷರಾದ ಉಮರ್ ಫ್ಯೆಝಿ, ಎಸ್.ಕೆ.ಎಸ್.ಎಸ್.ಎಫ್. ರಾಜ್ಯ ಸಮಿತಿ ಸದಸ್ಯರುಗಳಾದ ಆರೀಫ್ ಪೈಝಿ, ಇಕ್ಬಾಲ್ ಮುಸ್ಲಿಯಾರ್ ನೆಲ್ಲಿಹುದಿಕೇರಿ, ಎಸ್.ಕೆ.ಎಸ್.ಎಸ್.ಎಫ್. ಜಿಲ್ಲಾಧ್ಯಕ್ಷ ತಮ್ಲೀಖ್ ದಾರಿಮಿ, ಮಸ್ಜಿದುನ್ನೂರ್ ಖತೀಬ್ ಹಾರೀಸ್ ಬಾಖವಿ, ರೇಂಜ್ ಮ್ಯಾನೇಜ್ಮೆಂಟ್ ಸಮಿತಿ ಅಧ್ಯಕ್ಷ ಸುಲೈಮಾನ್ ಡಿ.ಎ., ಅಗಲಿದ ಗಣ್ಯರನ್ಮು ಸ್ಮರಿಸಿ ಅವರ ಧಾರ್ಮಿಕ

ಸೇವೆಯನ್ನು ಸ್ಮರಿಸಿದರು.

ಮಸ್ಜಿದುನ್ನೂರ್ ಸಲಹಾ ಸಮಿತಿ ಅಧ್ಯಕ್ಷರಾದ ಅಬೂಬಕ್ಕರ್ ಹಾಜಿ, ರಶೀದ್ ಆಮೀನಿ, ಮಹಮ್ಮದ್ ಫಾಳಿಲಿ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಅನುಸ್ಮರಣೆ ಕಾರ್ಯಕ್ರಮದ ನಂತರ ಎಸ್.ವೈ.ಎಸ್. ಹಾಗೂ ಎಸ್.ಕೆ.ಎಸ್.ಎಸ್.ಎಫ್. ಸ್ಥಳೀಯ ಸಮಿತಿಯಿಂದ ಮಾಸಿಕ ಮಜ್ಲಿಸುನ್ನೂರ್ ಕಾರ್ಯಕ್ರಮ ನಡೆಯಿತು.