ಸಿದ್ದಾಪುರ, ಅ. 15: ಪ್ರಜಾಸತ್ತಾತ್ಮಕ ಯುವಜನ ಫೆಡರೇಶನ್ ಆಫ್ ಇಂಡಿಯಾ ಸಂಘಟನೆ ವತಿಯಿಂದ ಸಿದ್ದಾಪುರದಲ್ಲಿ ಮಹಾತ್ಮಗಾಂಧಿ ಜನ್ಮ ದಿನಾಚರಣೆ ಅಂಗವಾಗಿ ಮಕ್ಕಳಿಗೆ ಸಿದ್ದಾಪುರದ ಶ್ರೀ ನಾರಾಯಣ ಗುರು ಪರಿಪಾಲನ ಯೋಗಂ ಸಭಾಂಗಣದಲ್ಲಿ ಉಪನ್ಯಾಸ ಹಾಗೂ ಪ್ರಬಂಧ ಸ್ಪರ್ಧೆಯನ್ನು ಏರ್ಪಡಿಸಲಾಗಿತ್ತು. ಕುಶಾಲನಗರ ಕಾಲೇಜಿನ ಉಪನ್ಯಾಸಕ ವಿ.ಸಿ. ರಾಜು, ಅಮ್ಮತ್ತಿಯ ಉಪನ್ಯಾಸಕ ಅರ್ಜುನ್, ಪಡಿಯಾಣಿ ಮುಜೀಬ್ ಹಾಗೂ ಇತರರು ಉಪನ್ಯಾಸ ನೀಡಿದರು. ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಗುಹ್ಯ ಗ್ರಾಮದ ಹರಿಹರನ್, ಡಿವೈಎಫ್‍ಐ ಸಂಘಟನೆಯ ಪ್ರಮುಖರಾದ ರಾಚಪ್ಪಾಜಿ, ಅನಿಲ್ ಕುಟ್ಟಪ್ಪ, ಶಾಜಿ, ರಮೇಶ್, ಶಹೀರ್ ಇನ್ನಿತರರು ಪಾಲ್ಗೊಂಡಿದ್ದರು. ಪ್ರಬಂಧ ಸ್ಪರ್ಧೆಯಲ್ಲಿ ಭಾಗವಹಿಸಿದ ವಿದ್ಯಾರ್ಥಿಗಳಿಗೆ ಗಣ್ಯರು ಬಹುಮಾನಗಳನ್ನು ವಿತರಿಸಿದರು. ಎನ್.ಕೆ. ಅನಿಲ್ ಸ್ವಾಗತಿಸಿ, ವಂದಿಸಿದರು.