ಶ್ರೀಮಂಗಲ, ಡಿ. 15: ಪೊನ್ನಂಪೇಟೆ ತಾಲೂಕು ಹೈಸೊಡ್ಲೂರು ಗ್ರಾಮದಲ್ಲಿ ರೈತನೋರ್ವ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ನಡೆದಿದೆ. ಗ್ರಾಮದ ದಿ. ಎಂ.ಎಂ. ಕುಟ್ಟಪ್ಪ ಅವರ ಪುತ್ರ ಎಂ.ಕೆ. ಕುಶ (ಕಟ್ಟಿ-75) ಅವರು ಮಂಗಳವಾರ ಮನೆಯ ಹೊರಗೆ ಇರುವ ಕಾರ್ ಶೆಡ್‍ನಲ್ಲಿ ತಮ್ಮ ಒಂಟಿ ನಳಿಕೆಯ ಕೋವಿಯಿಂದ ಎದೆಗೆ ಗುಂಡು ಹಾರಿಸಿಕೊಂಡು ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ.

ಆತ್ಮಹತ್ಯೆಗೆ ಅನಾರೋಗ್ಯ ಕಾರಣವಾಗಿದ್ದು ಕಿಡ್ನಿ ಸಮಸ್ಯೆಯೊಂದಿಗೆ ಹಲವು ವರ್ಷದ ಹಿಂದೆ ಹರ್ನಿಯಾ ಶಸ್ತ್ರಚಿಕಿತ್ಸೆ ಆಗಿತ್ತು. ಕಳೆದ ಒಂದು ವಾರದಿಂದ ಮತ್ತೆ ಹರ್ನಿಯಾ ನೋವು ಕಾಣಿಸಿಕೊಂಡು ಒಂದೆರಡು ದಿನದಿಂದ ಹೆಚ್ಚಾಗಿತ್ತು ಎನ್ನಲಾಗಿದೆ. ಕುಶ ಅವರು ಪತ್ನಿ, ಮೂವರು ಪುತ್ರಿಯರನ್ನು ಅಗಲಿದ್ದು, ಶ್ರೀಮಂಗಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.