ಕೂಡಿಗೆ, ಡಿ. 15: ಗ್ರಾಮ ಪಂಚಾಯಿತಿ ಚುನಾವಣೆ ನಾಮಪತ್ರ ಸಲ್ಲಿಕೆ ಕಾರ್ಯ ಪೂರ್ಣವಾಗಿದ್ದು, ಅಭ್ಯರ್ಥಿಗಳು ಚುನಾವಣಾ ಅಧಿಕಾರಿಗಳು ನೀಡಿದ ಚಿಹ್ನೆಗಳ ಅಧಾರದ ಮೇಲೆ ಪ್ರಚಾರ ಕಾರ್ಯ ಆರಂಭಿಸಿದ್ದಾರೆ.

ಕುಶಾಲನಗರ ಹೋಬಳಿ ವ್ಯಾಪ್ತಿಯ ಮುಳ್ಳುಸೋಗೆ ತೊರೆನೂರು ಕೂಡಿಗೆ ಕೂಡುಮಂಗಳೂರು ಹೆಬ್ಬಾಲೆ ಶಿರಂಗಾಲ ವ್ಯಾಪ್ತಿಯಲ್ಲಿ 80ಕ್ಕೂ ಹೆಚ್ಚಿನ ಗ್ರಾಮ ಪಂಚಾಯಿತಿ ಸದಸ್ಯರ ಆಯ್ಕೆ ಆಗಬೇಕಿದೆ.

ಮುಳ್ಳುಸೋಗೆ ಗ್ರಾ.ಪಂ.ಯಲ್ಲಿ 23 ಸದಸ್ಯರ ಆಯ್ಕೆಗೆ ಚುನಾವಣಾ ಕಣದಲ್ಲಿ 85 ಅಭ್ಯರ್ಥಿಗಳು, ತೊರೆನೂರುವಿನಲ್ಲಿ10 ಸದಸ್ಯರ ಸ್ಥಾನಕ್ಕೆ 35 ಅಭ್ಯರ್ಥಿಗಳು ಹೆಬ್ಬಾಲೆಯಲ್ಲಿ 14 ಸ್ಥಾನಕ್ಕೆ ಕಣದಲ್ಲಿ 52 ಮಂದಿ, ಶಿರಂಗಾಲದಲ್ಲಿ 9 ಸ್ಥಾನಕ್ಕೆ 27 ಅಭ್ಯರ್ಥಿಗಳು ಕೂಡಿಗೆ 15 ಸ್ಥಾನಕ್ಕೆ 44 ಅಭ್ಯರ್ಥಿಗಳು ಕೂಡುಮಂಗಳೂರು 24 ಸ್ಥಾನಕ್ಕೆ 89 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ.