ಕಣಿವೆ, ಡಿ. 15: ಸಮೀಪದ ಹೆಬ್ಬಾಲೆಯ ಗ್ರಾಮ ದೇವತೆ ಬನದೊಳಗಿನ ಬನಶಂಕರಿ ದೇವರ ವಾರ್ಷಿಕ ಪೂಜೋತ್ಸವ ಶ್ರದ್ಧಾ ಭಕ್ತಿಯಿಂದ ಜರುಗಿತು.

ಕೊರೊನಾ ಕಾರಣದಿಂದಾಗಿ ಈ ಬಾರಿ ಕೇವಲ ಪ್ರಧಾನ ದೇವತೆ ಬನಶಂಕರಿ ಅಮ್ಮನವರ ಮೆರವಣಿಗೆಯನ್ನು ಗ್ರಾಮದ ಬೀದಿಗಳಲಿ ನಡೆಸಿ ಸರಳವಾಗಿ ಆಚರಿಸಲಾಯಿತು. ದೇವಾಲಯದ ಅರ್ಚಕ ಕೃಷ್ಣಮೂರ್ತಿ ಭಟ್ ನೇತೃತ್ವದಲ್ಲಿ ಪೂಜಾ ವಿಧಿಗಳು ಜರುಗಿದವು. ಗ್ರಾಮದೇವತಾ ಸಮಿತಿ ಅಧ್ಯಕ್ಷ ಯಜಮಾನ್ ಎಚ್.ಎನ್. ಬಸವರಾಜು ನೇತೃತ್ವದಲ್ಲಿ ಆಚರಣೆಗಳು ನಡೆದವು.