ಸುಂಟಿಕೊಪ್ಪ,ಡಿ.17: ಸುಂಟಿಕೊಪ್ಪ ಗ್ರಾಮ ಪಂಚಾಯಿತಿ ಚುನಾವಣೆಗೆ ಕಳೆದ ಸಾಲಿನ ಆಡಳಿತ ಮಂಡಳಿಯ 11 ಮಂದಿ ಸದಸ್ಯರುಗಳು ಮತ್ತೆ ಸ್ಪರ್ಧಾ ಕಣಕ್ಕೆ ಧುಮುಕ್ಕಿದ್ದಾರೆ.

ಕಳೆದ ಸಾಲಿನ ಮಾಜಿ ಅಧ್ಯಕ್ಷೆ ರೋಸ್‍ಮೇರಿ ರಾಡ್ರಿಗಸ್, ಮಾಜಿ ಉಪಾಧ್ಯಕ್ಷ ಪಿ.ಆರ್.ಸುಕುಮಾರ್ ಸದಸ್ಯರುಗಳಾದ ಕೆ.ಇ.ಕರೀಂ, ಬಿ.ಎಂ.ಸುರೇಶ್, ರಜಾಕ್, ನಾಗರತ್ನ, ಎ.ಶ್ರೀಧರ್ ಕುಮಾರ್, ಶಿವಮ್ಮ, ಶಾಹಿದ್ , ಚಂದ್ರ ಹಾಗೂ ಗಂಗಮ್ಮ ಚುನಾವಣಾ ಅಖಾಡಕ್ಕೆ ಇಳಿದ್ದಾರೆ.

ತಾ.ಪಂ. ಸದಸ್ಯೆ ಸ್ಪರ್ಧೆ

ಸುಂಟಿಕೊಪ್ಪ ತಾಲೂಕು ಪಂಚಾಯಿತಿ ಸದಸ್ಯೆ ಓಡಿಯಪ್ಪನ ವಿವiಲಾವತಿ ಸುಂಟಿಕೊಪ್ಪ ಗ್ರಾಮ ಪಂಚಾಯಿತಿ ಚುನಾವಣೆಗೆ ಉಲುಗುಲಿ 2ನೇ ಕ್ಷೇತ್ರದಲ್ಲಿ ಸ್ಪರ್ಧಿಸಿದ್ದಾರೆ.

ಪತಿ ಪತ್ನಿ ಕಣದಲ್ಲಿ

ಸುಂಟಿಕೊಪ್ಪ ಗ್ರಾ.ಪಂ.ಚುನಾವಣೆಗೆ ಪತಿ ಪತ್ನಿಯರು ಸುಂಟಿಕೊಪ್ಪ ಉಲುಗುಲಿ 1 ಹಾಗೂ ಉಲುಗುಲಿ 3ನೇಕ್ಷೇತ್ರದಲ್ಲಿ ಸ್ಪರ್ಧಿಸಿದ್ದಾರೆ.

ಉಲುಗುಲಿ 1 ಕ್ಷೇತ್ರದಲ್ಲಿ ಈಶ್ವರ ಅವರು ಸಾಮಾನ್ಯ ಕ್ಷೇತ್ರದಿಂದ ಸ್ಪರ್ಧಿಸಿದರೆ ಅವರ ಪತ್ನಿ ಭಾಗೀರಥಿ ಪರಿಶಿಷ್ಟ ಜಾತಿ ಮೀಸಲು ಕ್ಷೇತ್ರದಿಂದ ಉಲುಗುಲಿ 3 ರಲ್ಲಿ ಸ್ಪರ್ಧಿಸಿದ್ದಾರೆ.

ಅವಿರೋಧ ಆಯ್ಕೆ

ಗರ್ವಾಲೆ ಗ್ರಾಮ ಪಂಚಾಯಿತಿಗೆ ಶಿರಂಗಳ್ಳಿ ಕ್ಷೇತ್ರ ಪರಿಶಿಷ್ಟ ಜಾತಿ ಮಹಿಳೆ ವಿಭಾಗದಿಂದ ನೇತ್ರಾವತಿ ಅವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.