ಶನಿವಾರಸಂತೆ, ಡಿ. 17: ಶನಿವಾರಸಂತೆಯಲ್ಲಿ ಗ್ರಾಮ ಪಂಚಾಯಿತಿ ಚುನಾವಣೆ ಚಟುವಟಿಕೆ ದಿನ ಸಮೀಪಿಸುತ್ತಿರುವಂತೆ ರಂಗೇರುತ್ತಿದೆ. ಶನಿವಾರಸಂತೆ ಹೋಬಳಿಯ ಕೇಂದ್ರ ಬಿಂದುವಾಗಿರುವ ಶನಿವಾರಸಂತೆ ಪಟ್ಟಣ ವ್ಯಾಪ್ತಿಯಲ್ಲಿ ಸದ್ದುಗದ್ದಲವಿಲ್ಲದೆ ಮತ ಪ್ರಚಾರ ಕಾರ್ಯ ಆರಂಭವಾಗಿದೆ.

ಪಂಚಾಯಿತಿ ಚುನಾವಣೆ ಪಟ್ಟಣವನ್ನು 3 ವಾರ್ಡ್‍ಗಳಾಗಿ ವಿಭಜಿಸಲಾಗಿದ್ದು, ಸಮುದಾಯ ಆರೋಗ್ಯ ಕೇಂದ್ರದಿಂದ ಕಿತ್ತೂರು ರಾಣಿ ಚೆನ್ನಮ್ಮ ವೃತ್ತದವರೆಗೆ 1ನೇ ವಾರ್ಡ್, ತ್ಯಾಗರಾಜ ಕಾಲೋನಿ 2ನೇ ವಾರ್ಡ್ ಹಾಗೂ ಗುಂಡೂರಾವ್ ಬಡಾವಣೆಯನ್ನು 3ನೇ ವಾರ್ಡ್ ಎಂದು ಪರಿಗಣಿಸಲಾಗಿದೆ.

ಗ್ರಾಮ ಪಂಚಾಯಿತಿಯ 10 ಸದಸ್ಯ ಸ್ಥಾನಗಳಿಗೆ 30 ಮಂದಿ ಅಭ್ಯರ್ಥಿಗಳು ಸ್ಪರ್ಧಿಸುತ್ತಿದ್ದಾರೆ. ಸಮೀಪದ ದುಂಡಳ್ಳಿ ಗ್ರಾಮ ಪಂಚಾಯಿತಿಯ 13 ಸ್ಥಾನಗಳಿಗೆ 48 ಮಂದಿ ಅಭ್ಯರ್ಥಿಗಳು ಚುನಾವಣಾ ಕಣಕ್ಕಿಳಿದಿದ್ದಾರೆ.