ಧ್ವನಿ ವರ್ಧಕದ ಮೂಲಕ ಎಚ್ಚರಿಕೆ

ಶನಿವಾರಸಂತೆ, ಆ. ೨೪: ಇತ್ತೀಚೆಗೆ ಶನಿವಾರಸಂತೆ ವಿಭಾಗದಲ್ಲಿ ಒಂಟಿ ಮನೆಗಳ ಕಳ್ಳತನ, ದ್ವಿಚಕ್ರವಾಹನಗಳ ಕಳ್ಳತನವಾಗುತ್ತಿದ್ದು, ಸಾರ್ವಜನಿಕರು ತಮ್ಮ ಮನೆಗಳಿಗೆ ಬೀಗ ಹಾಕಿ ಹೊರಗೆ ಹೋಗುವ ಅಕ್ಕಪಕ್ಕದವರಿಗೆ ಹಾಗೂ ಪೊಲೀಸರಿಗೆ ತಿಳಿಸಿ ಹೋಗಬೇಕು, ರಾತ್ರಿ ಸಮಯ ದಲ್ಲಿ ತಮ್ಮ ದ್ವಿಚಕ್ರ ವಾಹನಗಳನ್ನು ರಸ್ತೆಯಲ್ಲಿ ನಿಲ್ಲಿಸದೆ ಮನೆಯ ಕಾಂಪೌAಡ್ ಒಳಗೆ ನಿಲ್ಲಿಸಿ ಭದ್ರಪಡಿಸಿಕೊಳ್ಳಬೇಕು, ನಯವಂಚ ಕರು, ಆಭರಣಗಳಿಗೆ ಪಾಲಿಶ್ ನೆಪದಲ್ಲಿ ಬಂದು ಮೋಸ ಮಾಡುವ ಸಾಧ್ಯತೆ ಇದ್ದು, ಮಹಿಳೆಯರು ಎಚ್ಚರಿಕೆ ಯಿಂದಿರಿ ಎಂದು ಶನಿವಾರಸಂತೆ ಪೊಲೀಸ್ ಇಲಾಖೆ ವಾಹನದಲ್ಲಿ ಧ್ವನಿವರ್ಧಕದ ಮೂಲಕ ಪೊಲೀಸ್ ಇನ್ಸ್ಪೆಕ್ಟರ್ ಪರಶಿವಮೂರ್ತಿ, ಸಬ್‌ಇನ್ಸ್ಪೆಕ್ಟರ್ ದೇವರಾಜ್ ಹಾಗೂ ಅಪರಾಧ ಪತ್ತೆದಳದ ಸಿಬ್ಬಂದಿಗಳಾದ ಲೋಕೇಶ್, ಮುರಳಿ ಎಚ್ಚರಿಕೆ ನೀಡಿದರು.