ಕುಶಾಲನಗರ, ಆ. ೨೬: ಇಲ್ಲಿನ ರಕ್ಷಿತ್ ಬ್ಯಾಡ್ಮಿಂಟನ್ ಅಕಾಡೆಮಿ ವತಿಯಿಂದ ಎರಡು ದಿನಗಳ ಕಾಲ ಆಯೋಜಿಸಿದ್ದ ಷಟಲ್ ಪಂದ್ಯಾವಳಿಯಲ್ಲಿ ಟೀಮ್ ರಾಕರ್ಸ್ ತಂಡದ ಆನಂದ್ ತಂಡ ಜಯಭೇರಿ ಬಾರಿಸಿ ರೂ. ೨೦ ಸಾವಿರ ನಗದು ಬಹುಮಾನ ಹಾಗೂ ಆಕರ್ಷಕ ಟ್ರೋಫಿ ಪಡೆಯಿತು. ಸಮುರಾಯ್ ತಂಡದ ಅರುಣ್ ತಂಡ ದ್ವಿತೀಯ ಸ್ಥಾನ ಗಳಿಸಿ ರೂ. ೧೫ ಸಾವಿರ ನಗದು ಹಾಗೂ ಆಕರ್ಷಕ ಟ್ರೋಫಿ ಪಡೆದುಕೊಂಡಿತು.

ಮೂರನೇ ಸ್ಥಾನಕ್ಕೆ ಬ್ಲಾಸ್ಟರ್ ಹೆಸರಿನ ಹರೀಶ್ ತಂಡ ಹಾಗೂ ನಾಲ್ಕನೇ ಸ್ಥಾನಕ್ಕೆ ರಾಪ್ಟರ್ಸ್ ಹೆಸರಿನ ದಿನೇಶ್ ತಂಡ ತೃಪ್ತಿ ಪಟ್ಟಿತು.

ವಿಜೇತರಿಗೆ ಜಿಲ್ಲಾ ಪಂಚಾಯಿತಿ ಮಾಜಿ ಸದಸ್ಯ ಬಿ.ಬಿ. ಭಾರತೀಶ್, ಅಬ್ದುಲ್ ಲತೀಫ್ ಹಾಗೂ ಉದ್ಯಮಿ ಮಂಜುನಾಥ್ ಬಹುಮಾನ ವಿತರಿಸಿದರು. ರಕ್ಷಿತ್ ಬ್ಯಾಡ್ಮಿಂಟನ್ ಅಕಾಡೆಮಿ ಅಧ್ಯಕ್ಷ ರಕ್ಷಿತ್ ಹಾಜರಿದ್ದರು.ಶನಿವಾರಸಂತೆ ಗಡಿಭಾಗ ಯಸಳೂರು ವಲಯ ಅರಣ್ಯ ಇಲಾಖೆ ವತಿಯಿಂದ ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿ ೬೨೫ಕ್ಕೆ ೬೨೫ ಅಂಕ ಪಡೆದ ಸೆಕ್ರೇಡ್ ಹಾರ್ಟ್ ವಿದ್ಯಾಸಂಸ್ಥೆ ವಿದ್ಯಾರ್ಥಿನಿ ಜನಿತಾಳನ್ನು ವಲಯ ಅರಣ್ಯಾಧಿಕಾರಿ ವಿ.ಎಸ್. ಮೋಹನ್ ಅವರು ಸನ್ಮಾನಿಸಿ, ಗೌರವಿಸಿದರು.