*ಗೋಣಿಕೊಪ್ಪ, ಆ. ೨೭: ಜೆಸಿಐ ಪೊನ್ನಂಪೇಟೆ ನಿಸರ್ಗ, ಜಿಲ್ಲಾ ರಕ್ತನಿಧಿ ಘಟಕ ವತಿಯಿಂದ ಸಾರ್ವಜನಿಕ ರಕ್ತದಾನ ಶಿಬಿರವನ್ನು ನಡೆಸಲಾಯಿತು. ಗೋಣಿಕೊಪ್ಪ ಬೈಪಾಸ್ ರಸ್ತೆಯ ಸೌಖ್ಯ ಸಭಾಂಗಣದಲ್ಲಿ ಸುಮಾರು ೫೦ಕ್ಕೂ ಹೆಚ್ಚು ರಕ್ತದಾನಿಗಳು ರಕ್ತದಾನ ಮಾಡಿದರು.

ಘಟಕದ ಕಾರ್ಯದರ್ಶಿ ಅಪ್ಪಡೇರಂಡ ದಿನೇಶ್ ಗೌರವಾಧ್ಯಕ್ಷತೆಯಲ್ಲಿ ಕಾರ್ಯಕ್ರಮಕ್ಕೆ ಗೋಣಿಕೊಪ್ಪ ಮರ್ಚೆಂಟ್ಸ್ ಬ್ಯಾಂಕ್ ಅಧ್ಯಕ್ಷ ಕಿರಿಯಮಾಡ ಅರುಣ್‌ಪೂಣಚ್ಚ ಚಾಲನೆ ನೀಡಿದರು.

ಜೆಸಿಐ ಘಟಕಾಧ್ಯಕ್ಷ ಎಂ.ಎನ್. ವನಿತ್‌ಕುಮಾರ್ ಸಭಾ ನೇತೃತ್ವದಲ್ಲಿ ಜಿಲ್ಲಾ ರಕ್ತನಿಧಿ ಘಟಕದ ಮುಖ್ಯ ವೈದ್ಯಾಧಿಕಾರಿ ಡಾ. ಕೆ.ಪಿ. ಕರುಂಬಯ್ಯ, ಯೋಜನಾ ನಿರ್ದೇಶಕರಾದ ಸತೀಶ್ ಸಿಂಗಿ, ಕೋಶಾಧಿಕಾರಿ ಕುಪ್ಪಂಡ ದಿಲನ್‌ಬೋಪಣ್ಣ, ಅಭಿವೃದ್ದಿ ಮತ್ತು ಬೆಳೆವಣಿಗೆ ವಿಭಾಗದ ವಲಯ ನಿರ್ದೇಶಕ ಈ.ಎಂ ರಫೀಕ್, ಪದಾಧಿಕಾರಿಗಳಾದ ಕಿರಣ್, ಸಂದೀಪ್, ಆಪಟ್ಟೀರ ಟಾಟು ಮೊಣ್ಣಪ್ಪ ಸೇರಿದಂತೆ ಘಟಕದ ಪದಾಧಿಕಾರಿಗಳು ಹಾಜರಿದ್ದರು.