*ಗೋಣಿಕೊಪ್ಪ, ಸೆ. ೪: ಅತ್ತೂರು ಗ್ರಾಮದಲ್ಲಿ ಹುಲಿ ಹೆಜ್ಜೆ ಕಾಣಿಸಿಕೊಂಡು ಗ್ರಾಮಸ್ಥರ ಆತಂಕಕ್ಕೆ ಕಾರಣವಾಗಿದೆ.

ಕುಪ್ಪಂಡ ರೋಹಿತ್ ಕುಶಾಲಪ್ಪ ಅವರ ತೋಟದ ಮೂಲಕ ಜಮ್ಮಡ ದಿವಂಗತ ಮಾಚಯ್ಯ ಅವರ ಕಾಫಿ ತೋಟಕ್ಕೆ ಹುಲಿ ಹೆಜ್ಜೆ ಹಾಕಿರುವುದು ಗೋಚರಿಸಿದೆ.

ಬೆಳಗ್ಗಿನ ಜಾವ ತೋಟಕ್ಕೆ ಕಾರ್ಮಿಕರು ತೆರಳಿದಾಗ ಬಹು ಗಾತ್ರದ ಹೆಜ್ಜೆ ಗುರುತುಗಳನ್ನು ಕಂಡು ಮಾಲೀಕರಿಗೆ ಮಾಹಿತಿ ನೀಡಿದ್ದಾರೆ. ತೋಟದೊಳಗೆ ಹುಲಿ ಓಡಾಡಿರುವ ಕುರುಹುಗಳು ಪತ್ತೆಯಾಗಿದ್ದು, ಸ್ಥಳೀಯರು ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದಾರೆ.