ಸಿದ್ದಾಪುರ, ಸೆ. ೪ : ಕರ್ನಾಟಕ ಸರಕಾರ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಕರ್ನಾಟಕ ಸರ್ಕಾರದ, ಮಕ್ಕಳ ಪೌಷ್ಟಿಕ ಆಹಾರ ಜಾಹೀರಾತಿಗೆ ಸಿದ್ದಾಪುರದ ಇಂಜಿಲಗೆರೆ ನಿವಾಸಿ ವಿನೋದ್‌ರ ಪತ್ನಿ ಚಿತ್ರಾಂಜಲಿ ಬಿ.ವಿ. ಮತ್ತು ಮಗ ಚಿರಂತ್ ಆಯ್ಕೆಯಾಗಿದ್ದಾರೆ. ಆಯ್ಕೆ ಪ್ರಕ್ರಿಯೆ ರಾಜ್ಯಾದ್ಯಂತ ನಡೆದಿದ್ದು ಸೂಕ್ತ ಚಿತ್ರವನ್ನು ಇಲಾಖೆಯು ಆಯ್ಕೆ ಮಾಡಿ ಅನುಮತಿಯೊಂದಿಗೆ ಜಾಹೀರಾತಿಗೆ ಬಳಸಿಕೊಂಡಿದೆ. ಅಲ್ಲದೆ ಆಯ್ಕೆಯಾದ ಭಾವಚಿತ್ರವನ್ನು ಮುಂದಿನ ಸಾವಿರ ದಿನಗಳು ಕರ್ನಾಟಕ ರಾಜ್ಯದಾದ್ಯಂತ ಇಲಾಖೆಯ ಜಾಹೀರಾತಿನಲ್ಲಿ ಕಂಡುಬರಲಿದೆ.