ವೀರಾಜಪೇಟೆ, ಸೆ. ೧೫: ಪ್ರಜಾಪಿತ ಬ್ರಹ್ಮಕುಮಾರಿ ಈಶ್ವರೀಯ ವಿಶ್ವವಿದ್ಯಾಲಯದ ವೀರಾಜ ಪೇಟೆಯ ಸೇವಾ ಕೇಂದ್ರದಲ್ಲಿ ರಕ್ಷಾ ಬಂಧನ ಕಾರ್ಯಕ್ರಮ ನಡೆಯಿತು. ಬ್ರಹ್ಮಕುಮಾರಿ ವೀರಾಜಪೇಟೆ ಕೇಂದ್ರದ ಸಂಚಾಲಕಿ ಕೋಮಲ, ಗೋಣಿಕೊಪ್ಪ ಸೇವಾ ಕೇಂದ್ರದ ಸಂಚಾಲಕಿ ಚಂದ್ರಿಕಾ, ಜ್ಞಾನೇಶ್ವರಿ ಜ್ಯೋತಿ ಬೆಳಗಿಸಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಚಾಮರಾಜ ನಗರ ಜಿಲ್ಲೆಯ ಬ್ರಹ್ಮಕುಮಾರಿಸ್ ವಿಶ್ವ ವಿದ್ಯಾಲಯದ ಮುಖ್ಯ ಸಂಚಾಲಕಿ ಬಿ.ಕೆ. ಜ್ಞಾನೇಶ್ವರಿ ರಕ್ಷಾ ಬಂಧನದ ಅಧ್ಯಾತ್ಮಿಕ ರಹಸ್ಯವನ್ನು ತಿಳಿಸಿ ಎಲ್ಲರಿಗೂ ಶುಭ ಕೋರಿ ರಕ್ಷೆ ಕಟ್ಟಿದರು. ಈ ಸಂದರ್ಭ ಸೇವಾ ಕೇಂದ್ರದ ಸದಸ್ಯರುಗಳು, ಸೇರಿದಂತೆ ಇತರರು ಹಾಜರಿದ್ದರು.