ಮಡಿಕೇರಿ, ಸೆ. ೧೬: ಐಗೂರು ವಿವಿಧೋದ್ದೇಶ ಪ್ರಾಥಮಿಕ ಕೃಷಿ ಗ್ರಾಮೀಣ ಸಹಕಾರ ಸಂಘದ ಆಡಳಿತ ಮಂಡಳಿಗೆ ತಾ.೨೪ರಂದು ಚುನಾವಣೆ ನಡೆಯಲಿದ್ದು, ೧೩ ಸ್ಥಾನಗಳಿಗೆ ಅಭ್ಯರ್ಥಿಗಳು ಚುನಾವಣೆಗೆ ಸ್ಪರ್ಧಿಸುತ್ತಿದ್ದಾರೆ.

ಈ ಸಂಘವು ಒಟ್ಟು ೮೭,೨೩,೦೦೦ ಲಕ್ಷ ರೂ. ಲಾಭದಲಿದ್ದು, ೧,೪೦೦ ಮಂದಿ ಮತದಾರರಿದ್ದಾರೆ. ಚುನಾವಣೆಯಲ್ಲಿ ಸಾಲಗಾರರಿಗೆ ೧೨ ಮತಗಳ ಅಧಿಕಾರವಿದ್ದು, ಸಾಲಗಾರನಲ್ಲದವರಿಗೆ ಒಂದು ಮತದ ಅಧಿಕಾರವಿದೆ. ಈ ಚುನಾವಣೆಯಲ್ಲಿ ಮೀಸಲಾತಿ ಪಟ್ಟಿಯಂತೆ ಸಾಮಾನ್ಯ ವರ್ಗ ೬ ಸ್ಥಾನ, ಬಿ. ಸಿ. ಎಂ. ಬಿ ೧ ಸ್ಥಾನ, ಬಿ. ಸಿ. ಎಂ. ಎ ೧ ಸ್ಥಾನ, ಸಾಮಾನ್ಯ ಮಹಿಳೆ ೨ ಸ್ಥಾನ, ಎಸ್ಸಿ ೧ ಸ್ಥಾನ, ಎಸ್. ಟಿ ೧ ಸ್ಥಾನ, ಸಾಲಗಾರನಲ್ಲದ ಸಾಮಾನ್ಯ ೧ ಸ್ಥಾನ ಸೇರಿ ಒಟ್ಟು ಸ್ಥಾನಗಳ ಸಂಖ್ಯೆ ಒಟ್ಟು ೧೩. ಒಟ್ಟು ೧೩ ಸ್ಥಾನಗಳಿಗೆ ಅಂದಾಜು ೨೬ ಮಂದಿ ಸ್ಪರ್ಧಾ ಕಣದಲ್ಲಿದ್ದಾರೆ.