ಮಡಿಕೇರಿ, ಅ. ೨೬: ಮಡಿಕೇರಿ ಶಾಸಕ ಡಾ. ಮಂಥರ್ ಗೌಡ ಅವರು ತಂಡ ಕಟ್ಟಿಕೊಂಡು ಗಾಂಧಿ ಮೈದಾನ ಸ್ವಚ್ಛಗೊಳಿಸಿದರು.

ಗಾಂಧಿ ಮೈದಾನದ ಸುತ್ತ ಮುತ್ತ ಎಲ್ಲೆಂದರಲ್ಲಿ ಬಿದ್ದಿದ್ದ ಪ್ಲಾಸ್ಟಿಕ್ ಬಾಟಲಿ, ಪ್ಲಾಸ್ಟಿಕ್ ಇನ್ನಿತರ ಎಲ್ಲಾ ಕಸವನ್ನು ಸ್ವಚ್ಛಗೊಳಿಸಿದರು.

ಈ ವೇಳೆ ಮಾಧ್ಯಮಗಳೊಂದಿಗೆ ಮಾತನಾಡಿದ ಡಾ. ಮಂಥರ್ ಗೌಡ, ದಸರಾ ಸಂದರ್ಭದಲ್ಲಿ ಲಕ್ಷಾಂತರ ಜನ ಮಡಿಕೇರಿಗೆ ಬರುವುದರಿಂದ ರಾಶಿ ರಾಶಿ ಕಸ ಸೃಷ್ಟಿಯಾಗಿ ಆರೋಗ್ಯಕ್ಕೆ ತೊಂದರೆಯಾಗುವ ಸಾಧ್ಯತೆ ಇರುವುದರಿಂದ ದಸರಾ ಕಳೆದ ಬಳಿಕ ನಗರದಲ್ಲಿ ಸ್ವಚ್ಛಗೊಳಿಸುವ ಕಾರ್ಯವನ್ನು ಎಲ್ಲರೂ ಸೇರಿ ಮಾಡಬೇಕು; ತಾನು ಕೂಡ ಇದರಲ್ಲಿ ಭಾಗಿಯಾಗುವುದಾಗಿ ಹೇಳಿದ್ದೆ. ಅದರಂತೆ ಇಂದು ಸ್ವಚ್ಛತಾ ಕಾರ್ಯ ಕೈಗೊಳ್ಳಲಾಗಿದೆ ಎಂದು ತಿಳಿಸಿದರು. ಕಾಂಗ್ರೆಸ್ ವಕ್ತಾರ ತೆನ್ನಿರಾ ಮೈನಾ, ಮಡಿಕೇರಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಹೆಚ್.ಎ. ಹಂಸ, ನಗರ ಕಾಂಗ್ರೆಸ್ ಅಧ್ಯಕ್ಷ ರಾಜೇಶ್ ಯಲ್ಲಪ್ಪ, ಉಪಾಧ್ಯಕ್ಷ ಮಂಡಿರ ಸದಾ ಮುದ್ದಪ್ಪ, ಕಲೀಲ್ ಬಾಷ, ಆರ್.ಪಿ. ಚಂದ್ರಶೇಖರ್, ಪ್ರಕಾಶ್ ಆಚಾರ್ಯ, ಮುನೀರ್ ಮಾಚರ್, ಮಿನಾಜ್ ಪ್ರವೀಣ್, ಫ್ಯಾನ್ಸಿ ಪಾರ್ವತಿ, ಯಶ್ ದೋಲ್ಪಾಡಿ, ಕವನ್ ಕೊತ್ತೋಳಿ, ಮುದ್ದುರಾಜ್, ರವಿಗೌಡ, ಅಂಬೇಕಲ್ ನವೀನ್, ವೀಣಾಕ್ಷಿ, ಡೀನಾ ಪರ್ಲಕೋಟಿ, ವಸಂತ್ ಭಟ್, ಪ್ರೇಮಾ ಲಿಂಗಪ್ಪ, ಪ್ರೇಮಾ ಕೃಷ್ಣಪ್ಪ ಸೇರಿದಂತೆ ಮತ್ತಿತರರು ಸ್ವಚ್ಛತಾ ಕಾರ್ಯದಲ್ಲಿ ಪಾಲ್ಗೊಂಡಿದ್ದರು.