ಮಡಿಕೇರಿ, ಅ. ೨೬: ಮೈಸೂರಿನಲ್ಲಿ ಆಗಸ್ಟ್ ತಿಂಗಳಿನಲ್ಲಿ ನಡೆದ ಸೇನಾ ನೇಮಕಾತಿ ಶಿಬಿರದಲ್ಲಿ ಜೈ ಭಾರತ್ ಕೋಚಿಂಗ್ ಸೆಂಟರ್ ಬೋಯಿಕೇರಿ ವೀರಾಜಪೇಟೆಯ ಅಭ್ಯರ್ಥಿಗಳು ಭಾಗವಹಿಸಿ ೮ ಅಭ್ಯರ್ಥಿಗಳು ಆಯ್ಕೆಗೊಂಡರು. ಇವರಿಗೆ ಜೈ ಭಾರತ್ ಕೋಚಿಂಗ್ ಸೆಂಟರ್‌ನ ಸಂಸ್ಥಾಪಕ ಕುಟ್ಟಂಡ ಲವ ಮತ್ತು ಶಿಕ್ಷಕರಿಗೆ ಅಭಿನಂದನಾ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು. ಅಭಿನಂದನಾ ಕಾರ್ಯಕ್ರಮದಲ್ಲಿ ಸೇನೆಗೆ ಆಯ್ಕೆಯಾದ ಚಿಂತನ್, ಚೇತನ್, ಸಮರ್ಥ, ಸಲ್ಮಾನ್ ಅಪ್ರಿದ್, ಅಖಿಲೇಶ್, ಕಾವೇರಪ್ಪ ಮತ್ತು ಲೆನ್ ಬಿದ್ದಪ್ಪ ಉಪಸ್ಥಿತರಿದ್ದರು.