ಸುಂಟಿಕೊಪ್ಪ, ಅ. ೨೬: ನಾಕೂರು-ಶಿರಂಗಾಲ ಗ್ರಾಮ ಪಂಚಾಯಿತಿಯ ಶಾಂತಗೇರಿ ತೋಟದ ಲೈನ್ ಮನೆಯಲ್ಲಿ ವಾಸವಾಗಿದ್ದ ಕೂಲಿ ಕಾರ್ಮಿಕ ದಂಪತಿಗೆ ಗ್ರಾ.ಪಂ. ಸದಸ್ಯ ಕೊಳಂಬೆ ಸುಭಾಶ್ ಆಹಾರ ಕಿಟ್ ವಿತರಿಸಿದರು.

ರಾಜ ಮತ್ತು ಕಾವೇರಿ ಕಾಫಿ ತೋಟಕ್ಕೆ ಕೆಲಸಕ್ಕೆ ತೆರಳಿದ್ದ ವೇಳೆ ಮನೆಗೆ ಬೆಂಕಿ ತಗುಲಿದ ಪರಿಣಾಮ ಮನೆ ಹಾಗೂ ಮನೆಯಲ್ಲಿದ್ದ ವಸ್ತುಗಳು ಸಂಪೂರ್ಣ ನಾಶವಾಗಿ ಹೋಗಿದ್ದವು. ಇದನ್ನು ಗಮನಿಸಿದ ಕಾಫಿ ಬೆಳೆಗಾರರು ಹಾಗೂ ನಾಕೂರು-ಶಿರಂಗಾಲ ಗ್ರಾಮ ಪಂಚಾಯಿತಿಯ ಸದಸ್ಯ ಕೊಳಂಬೆ ಸುಭಾಶ್ ಅವರು ಅವರ ಬಳಿ ತೆರಳಿ ಧನ ಸಹಾಯ ನೀಡಿ ಆಹಾರ ಕಿಟ್ ವಿತರಿಸಿ ಮಾನವೀಯತೆ ಮೆರೆದರು.

ಈ ಸಂದರ್ಭ ನಾಕೂರು-ಶಿರಂಗಾಲ ಪಂಚಾಯಿತಿಯ ಮಾಜಿ ಸದಸ್ಯರಾದ ಬಿ.ಕೆ. ವಿಶ್ವನಾಥ ರೈ ಇತರರು ಹಾಜರಿದ್ದರು.