ಸಿದ್ದಾಪುರ, ಅ. ೨೭ : ತ್ಯಾಜ್ಯ ತುಂಬಿಸಿಟ್ಟಿದ್ದ ಮಳಿಗೆ ಒಂದಕ್ಕೆ ಬೆಂಕಿ ತಗಲಿ ಹಾನಿಯಾಗಿರುವ ಘಟನೆ ಸಿದ್ದಾಪುರದಲ್ಲಿ ನಡೆದಿದೆ. ಸಿದ್ದಾಪುರದ ಗ್ರಾಮ ಪಂಚಾಯಿತಿಗೆ ಸೇರಿದ ಮಾರುಕಟ್ಟೆ ಬಳಿ ಕಸ ಹಾಗೂ ತ್ಯಾಜ್ಯಗಳು ತುಂಬಿಸಿಟ್ಟಿದ್ದ ಮಳಿಗೆ ಒಂದಕ್ಕೆ ಬೆಂಕಿ ತಗಲಿ ಮಳಿಗೆ ಅಗ್ನಿಗೆ ಅಹುತಿಯಾಗಿದೆ. ಜನ ವಸತಿ ಪ್ರದೇಶವಾದ ಹಿನ್ನೆಲೆಯಲ್ಲಿ ಸ್ಥಳೀಯರು ಕೂಡಲೇ ಎಚ್ಚೆತ್ತುಕೊಂಡು ಬೆಂಕಿಯನ್ನು ನಂದಿಸುವಲ್ಲಿ ಯಶಸ್ವಿಯಾದರು. ಸ್ಥಳಕ್ಕೆ ಗ್ರಾಮ ಪಂಚಾಯಿತಿಯ ಅಧ್ಯಕ್ಷರು ಹಾಗೂ ಸದಸ್ಯರುಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದರು.