ಶನಿವಾರಸಂತೆ, ಅ. ೨೯: ಪಟ್ಟಣದ ತ್ಯಾಗರಾಜ ಕಾಲೋನಿಯಲ್ಲಿರುವ ಶ್ರೀ ಚಾಮುಂಡೇಶ್ವರಿ ದೇವಿ ಮತ್ತು ಗುಳಿಗ ದೈವದ ಬನದಲ್ಲಿ ಶುಕ್ರವಾರ ನವರಾತ್ರಿಯ ೬ನೇ ದಿನ ನವ ದುರ್ಗೆಯರ ಆರನೇ ಸ್ವರೂಪ ಶ್ರೀ ಕಾತ್ಯಾಯಿನಿ ದೇವಿಯ ಆರಾಧನಾ ಪೂಜಾ ಕೈಂಕರ್ಯ ಶ್ರದ್ಧಾಭಕ್ತಿಯಿಂದ ಆಚರಿಸಲ್ಪಟ್ಟಿತು.

ಕ್ಷೇತ್ರ ಜಾಗದ ಕುಟುಂಬಸ್ಥರ ಸೇವಾರ್ಥದೊಂದಿಗೆ ಭಕ್ತಾದಿಗಳು ಕಾತ್ಯಾಯನಿ ದೇವಿ ಮತ್ತು ಗುಳಿಗ ದೈವಕ್ಕೆ ನಾನಾ ಬಗೆಯ ಹೂಗಳು, ಹಣ್ಣುಕಾಯಿ, ನೈವೇದ್ಯ ಸಮರ್ಪಿಸಿದರು. ಅರ್ಚಕರಾದ ಪ್ರಕಾಶ್ಚಂದ್ರ ಸುವರ್ಣ ಪೂಜಾ ವಿಧಿ ನೆರವೇರಿಸಿದರು. ಮಹಾಮಂಗಳಾರತಿ ನಂತರ ತೀರ್ಥ, ಪ್ರಸಾದ ವಿನಿಯೋಗ ನಡೆದು ಪೂಜಾ ಕಾರ್ಯ ಸಂಪನ್ನವಾಯಿತು.