ಸಿದ್ದಾಪುರ, ನ. ೨: ಲಯನ್ಸ್ ನೂತನ ವಲಯ ಅಧ್ಯಕ್ಷ ಅಂಬೇಕಲ್ ನವೀನ್ ಅವರಿಗೆ ಸಿದ್ದಾಪುರದಲ್ಲಿ ಸ್ವಾಗತ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. ಸಿದ್ದಾಪುರದ ಲಯನ್ಸ್ ಕ್ಲಬ್ ಅಧ್ಯಕ್ಷೆ ನಮಿತಾ ಅಯ್ಯಪ್ಪ ಅಧ್ಯಕ್ಷತೆಯಲ್ಲಿ ಲಯನ್ಸ್ ಸಭಾಂಗಣದಲ್ಲಿ ಕಾರ್ಯಕ್ರಮ ಆಯೋಜಿಸಲಾಗಿತ್ತು.

ಕಾರ್ಯಕ್ರಮದಲ್ಲಿ ನವೀನ್ ಮಾತನಾಡಿ, ಕ್ಲಬ್ ಅನೇಕ ಸಮಾಜ ಸೇವೆ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿದೆ. ಕಣ್ಣಿನ ತಪಾಸಣೆ, ವನಮಹೋತ್ಸವ, ಅಂಗಾAಗ ದಾನ, ನೇತ್ರ ದಾನ, ಸರ್ಕಾರಿ ಯೋಜನೆಗಳ ಮಾಹಿತಿ, ಸ್ವಾತಂತ್ರö್ಯ ದಿನಾಚರಣೆ ಸೇರಿದಂತೆ ಹಲವು ಸಮಾಜಮುಖಿ ಕಾರ್ಯಕ್ರಮಗಳನ್ನು ಕೈಗೊಳ್ಳುತ್ತದೆ ಎಂದು ಮಾಹಿತಿ ನೀಡಿದರು.

ಕಾರ್ಯಕ್ರಮದಲ್ಲಿ ಸಿದ್ದಾಪುರದ ಉರಗಪ್ರೇಮಿ ಸುರೇಶ್ ಅವರನ್ನು ಸನ್ಮಾನಿಸಲಾಯಿತು. ಈ ಸಂದÀರ್ಭ ಲಯನ್ಸ್ ವಲಯ ರಾಯಭಾರಿ ಧನು ಉತ್ತಯ್ಯ, ಮೂರು ವಲಯಗಳ ಅಧ್ಯಕ್ಷರುಗಳಾದ ಪಟ್ಟಡ ವಿಶಾಲ್ ದೇವಯ್ಯ, ವಲಯ ಸಂಯೋಜಕಿ ನಡಿಕೇರಿಯಂಡ ಜ್ಯೋತಿ ಪೊನ್ನಪ್ಪ, ಲಯನ್ಸ್ ಕ್ಲಬ್ ಸಿದ್ದಾಪುರ ಕಾರ್ಯದರ್ಶಿ ಥಾಮಸ್ ಮ್ಯಾಥ್ಯೂ, ಖಜಾಂಚಿ ಸುಧಾ ಉತ್ತಪ್ಪ, ಪ್ರಿಯ ಅಂಬೇಕಲ್, ಬಾಲಕೃಷ್ಣ ಮತ್ತು ರೋಹಿತ್ ಇದ್ದರು.