ಕೊಡ್ಲಿಪೇಟೆ, ನ. ೫: ನಿನ್ನೆ ದಿನ ಸುರಿದ ಧಾರಾಕಾರ ಮಳೆ ಹಾಗೂ ಗುಡುಗು ಸಿಡಿಲಿನ ಆರ್ಭಟಕ್ಕೆ ಸಮೀಪದ ದೊಡ್ಡಕೊಡ್ಲಿ-ಶಾಂತಪುರ ಗ್ರಾಮದಲ್ಲಿ ಮನೆಗೆ ಹಾನಿಯಾಗಿದೆ.

ಶಾಂತಪುರದ ಪೊಲೀಸ್ ಚೆಕ್‌ಪೋಸ್ಟ್ ಸಮೀಪದ ಜಹೂರ್ ಆಲಿ ಎಂಬವರ ಮನೆಯ ಮುಂಭಾಗದ ಮರ ಸೇರಿದಂತೆ ಮನೆಗೆ ಸಿಡಿಲು ಬಡಿದ ಪರಿಣಾಮ ಗೋಡೆ ಜಖಂಗೊAಡಿದ್ದು, ಮನೆಯೊಳಗಿದ್ದ ಯುಪಿಎಸ್, ಟಿ.ವಿ., ರೆಫ್ರಿಜರೇಟರ್ ಸೇರಿದಂತೆ ಇನ್ನಿತರ ಎಲೆಕ್ಟಾçನಿಕ್ ವಸ್ತುಗಳು ಹಾನಿಯಾಗಿದ್ದು, ಮನೆಯ ವಿದ್ಯುತ್ ಸಂಪರ್ಕ ಕಡಿತಗೊಂಡಿದೆ.

ಮನೆಯ ಕೆಲವು ಗೋಡೆಗಳು ಬಿರುಕು ಬಿಟ್ಟಿದ್ದು, ಅಂದಾಜು ಒಂದು ಲಕ್ಷಕ್ಕೂ ಅಧಿಕ ನಷ್ಟ ಸಂಭವಿಸಿದೆ. ಸಿಡಿಲು ಬಡಿದ ಸಂದರ್ಭ ಜಹೂರ್ ಆಲಿ ಅವರ ಪತ್ನಿ ಫರೀದಾ ಅವರು ಮಾತ್ರ ಮನೆಯಲ್ಲಿದ್ದು, ಅದೃಷ್ಟವಷಾತ್ ಅಪಾಯದಿಂದ ಪಾರಾಗಿದ್ದಾರೆ.

ಸ್ಥಳಕ್ಕೆ ಹೋಬಳಿ ಕಂದಾಯ ಪರಿವೀಕ್ಷಕ ಸಂತೋಷ್, ಗ್ರಾಮಾಡಳಿತಾಧಿಕಾರಿ ಪ್ರಕೃತಿ ಅವರುಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ಜಿಲ್ಲಾಡಳಿತದ ಮೂಲಕ ಪ್ರಕೃತಿ ವಿಕೋಪದಡಿ ಸೂಕ್ತ ಪರಿಹಾರ ಒದಗಿಸಬೇಕೆಂದು ಮನೆಯವರು ಒತ್ತಾಯಿಸಿದ್ದಾರೆ.