*ಗೋಣಿಕೊಪ್ಪ, ನ. ೮: ಅರುವತ್ತೊಕ್ಲು ಸರ್ವದೈವತಾ ಇಂಗ್ಲೀಷ್ ಮಾಧ್ಯಮ ಶಾಲೆಯಲ್ಲಿ ಅಂತರ್ ಜಿಲ್ಲಾಮಟ್ಟದ ಸ್ಪರ್ಧೆಗಳು ನಡೆದವು.

ಭಾಷಣ ಸ್ಪರ್ಧೆ, ಛದ್ಮವೇಷ, ಜಾನಪದ ಗೀತೆ, ಚಿತ್ರಕಲೆ ಸ್ಪರ್ಧೆಗಳಲ್ಲಿ ವಿದ್ಯಾರ್ಥಿಗಳು ಭಾಗವಹಿಸಿದರು. ಧಾರ್ಮಿಕ, ವೈಜ್ಞಾನಿಕ, ಪರಿಸರ, ಸಾಮಾಜಿಕತೆಯನ್ನು ಬಿಂಬಿಸುವ ಛದ್ಮವೇಷಗಳನ್ನು ಬಿಂಬಿಸಿ ವಿದ್ಯಾರ್ಥಿಗಳು ಗಮನ ಸೆಳೆದರು.

ಶಾಲೆಯ ಆಡಳಿತ ಮಂಡಳಿ ಅಧ್ಯಕ್ಷ ಕಾಡ್ಯಮಾಡ ಪ್ರಕಾಶ್, ಮುಖ್ಯೋಪಾಧ್ಯಾಯಿನಿ ಮನೆಯಪಂಡ ಶೀಲಾ ಬೋಪಣ್ಣ, ಪೊನ್ನಿಮಾಡ ಪ್ರದೀಪ್, ಪತ್ರಕರ್ತ ಜಗದೀಶ್ ಜೋಡುಬೀಟಿ, ತೀರ್ಪುಗಾರರಾಗಿದ್ದ ಸುನೀಲ್, ರೇಖಾ, ಚಂದ್ರಶೇಖರ್, ಮೂಡೇರ ಮುತ್ತಮ್ಮ, ಇಂದಿರ ಸೇರಿದಂತೆ ಶಾಲೆಯ ಶಿಕ್ಷಕರು, ವಿದ್ಯಾರ್ಥಿಗಳು, ಪೋಷಕರು ಇದ್ದರು.