ಚೆಯ್ಯಂಡಾಣೆ, ನ. ೧೯: ಕೊಡಗು ಜಿಲ್ಲಾ ಸಹಕಾರ ಕೇಂದ್ರ ಬ್ಯಾಂಕ್‌ನ ಕಡಂಗ ಶಾಖೆಯ ವತಿಯಿಂದ ೨೦ನೇ ಅಖಿಲ ಭಾರತ ಸಹಕಾರ ಸಪ್ತಾಹವನ್ನು ಬ್ಯಾಂಕಿನ ವ್ಯವಸ್ಥಾಪಕ ಭಾಸ್ಕರ್ ಕೆ.ಎ. ಸಮ್ಮುಖದಲ್ಲಿ ಆಚರಿಸಲಾಯಿತು. ನರಿಯಂದಡ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷ ಕೋಡಿರ ವಿನೋದ್ ನಾಣಯ್ಯ ಹಾಗೂ ಕೋಡಿರ ಮಂದಣ್ಣ ಧ್ವಜಾರೋಹಣ ನೆರವೇರಿಸಿದರು. ಮುಖ್ಯ ಅತಿಥಿಯಾಗಿ ಕಡಂಗ ಕೃಷಿ ಪತ್ತಿನ ಸಹಕಾರ ಸಂಘದ ಉಪಾಧ್ಯಕ್ಷರು ಹಾಗೂ ಅರಪಟ್ಟು ಸಹಕಾರ ದವಸ ಭಂಡಾರ ಇದರ ಅಧ್ಯಕ್ಷ ನಂಬಿಯಪAಡ ಎ. ಮಣಿ ಅಯ್ಯಮ್ಮ ಪಾಲ್ಗೊಂಡಿದ್ದರು.

ಈ ಸಂದರ್ಭ ಕೊಡಗು ಜಿಲ್ಲಾ ಸಹಾಯಕ ಪ್ರಧಾನ ವ್ಯವಸ್ಥಾಪಕ ಕೆ.ಪಿ. ಮಂದಣ್ಣ, ಕಡಂಗ ಶಾಖೆಯ ಸಹಾಯಕ ವ್ಯವಸ್ಥಾಪಕ ಕೆ.ಎ. ಉದಯ, ಅರಪಟ್ಟು ಸಹಕಾರ ದವಸ ಭಂಡಾರದ ಮುಖ್ಯ ಕಾರ್ಯನಿರ್ವಾಣಾಧಿಕಾರಿ ಮಹಮ್ಮದ್, ಶಾಂತಿ, ಫಾರೂಕ್, ಚುಸ್ಮ ನಾಗರಾಜ್, ಶಾಖೆಯ ಸಿಬ್ಬಂದಿಗಳು, ಊರಿಗೆ ಹಿರಿಯ ಕಿರಿಯ ಸದಸ್ಯರು, ಶಾಖೆಯ ಗ್ರಾಹಕರು ಮತ್ತಿತರರು ಉಪಸ್ಥಿತರಿದ್ದರು.