ಸಿದ್ದಾಪುರ, ಮಾ. ೩೦: ಕಾರು ಅಪಘಾತವಾಗಿ ಕಾರು ಚಾಲಕ ಸಾವನ್ನಪ್ಪಿರುವ ಘಟನೆ ಪಿರಿಯಾಪಟ್ಟಣ ಗೋಣಿಕೊಪ್ಪ ಮಾರ್ಗದ ಬೂದಿತಿಟ್ಟು ಬಳಿ ತಾ. ೨೯ ರಂದು ಸಂಭವಿಸಿದೆ. ಮೂಲತಃ ಚೆಟ್ಟಳ್ಳಿ ಗ್ರಾಮ ಪಂಚಾಯಿತಿಯ ಮಲ್ಕೋಡು ಗ್ರಾಮದ ನಿವಾಸಿ ಅಬೂಬಕರ್ (೩೯) ಮೃತ ದುರ್ದೈವಿ.
ಚೆಟ್ಟಳ್ಳಿ ಸಮೀಪದ ಕೂಡ್ಲೂರು ಚೆಟ್ಟಳ್ಳಿಯ ಮಲ್ಕೋಡ್ ಗ್ರಾಮದ ನಿವಾಸಿ ಅದ್ದುಪು ಎಂಬವರ ಪುತ್ರ ಅಬುಬೂಕರ್ ಕಳೆದ ಕೆಲವು ತಿಂಗಳುಗಳಿAದ ವೀರಾಜಪೇಟೆಯಲ್ಲಿ ವಾಸ ಮಾಡಿಕೊಂಡು ಮರ ವ್ಯಾಪಾರ ಕೆಲಸ ಮಾಡಿಕೊಂಡಿದ್ದರು. ತಾ. ೨೯ ರಂದು ತನಗೆ ಸೇರಿದ ಕಾರಿನಲ್ಲಿ ಅಬೂಬಕರ್ ತನ್ನ ಸ್ನೇಹಿತನೊಂದಿಗೆ ಹುಣಸೂರಿನತ್ತ ಕೆಲಸದ ನಿಮಿತ್ತ ತೆರಳಿ ಸಂಜೆ ಹಿಂತಿರುಗಿ ಪಿರಿಯಾಪಟ್ಟಣದಿಂದ ಗೋಣಿಕೊಪ್ಪಲು ಮಾರ್ಗವಾಗಿ ವೀರಾಜಪೇಟೆಗೆ ಬರುತ್ತಿರುವ ಸಂದರ್ಭದಲ್ಲಿ ಚಾಲಕನ ನಿಯಂತ್ರಣ ತಪ್ಪಿ ಕಾರು ಮರಕ್ಕೆ ಡಿಕ್ಕಿಯಾಗಿದೆ.
ಅಬೂಬಕರ್ ಗಂಭೀರ ಗಾಯಗೊಂಡಿದ್ದು, ಚಿಂತಾಜನಕ ಸ್ಥಿತಿಯಲ್ಲಿದ್ದ ಅಬೂಬಕರ್‌ನನ್ನು ಮೈಸೂರಿನ ಕೆ.ಆರ್. ಆಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿ ಆಗದೇ ಮೃತಪಟ್ಟಿದ್ದಾರೆ.
(ಮೊದಲ ಪುಟದಿಂದ) ಅಪಘಾತದಲ್ಲಿ ಮತ್ತೋರ್ವ ಗಾಯಾಳುವನ್ನು ಮೈಸೂರಿನ ಕೆ.ಆರ್. ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ದಾಖಲಿಸಲಾಗಿದೆ. ಮೃತ ಅಬೂಬಕರ್ ಪತ್ನಿ ಹಾಗೂ ಈರ್ವರು ಮಕ್ಕಳನ್ನು ಅಗಲಿದ್ದಾರೆ. ಮೃತನ ಸ್ವಗೃಹ ಮಲ್ಕೋಡ್‌ಗೆ ಮೃತದೇಹ ತರಲಾಯಿತು. ನಂತರ ಸಾಮೂಹಿಕ ಪ್ರಾರ್ಥನೆ ಮಾಡಿ ಅಂತ್ಯಸAಸ್ಕಾರ ಮಾಡಲಾಯಿತು. ಘಟನೆಯಲ್ಲಿ ಕಾರು ಸಂಪೂರ್ಣ ನಜ್ಜುಗುಜ್ಜಾಗಿದೆ.
- ವಾಸು