ಮಯಾಮಿ, ಮಾ. ೩೧: ಇತ್ತೀಚೆಗೆ ಪ್ರತಿಷ್ಠಿತ ಆಸ್ಟೆçÃಲಿಯನ್ ಓಪನ್ ನಲ್ಲಿ ಪುರುಷರ ಡಬಲ್ಸ್ ವಿಭಾಗದಲ್ಲಿ ಚಾಂಪಿಯನ್ ಪಟ್ಟ ಅಲಂಕರಿಸಿದ್ದ ಕೊಡಗಿನ ಮಾದಾಪುರದ ಮಚ್ಚಂಡ ರೋಹನ್ ಬೋಪಣ್ಣ ಹಾಗೂ ಆಸ್ಟೆçÃಲಿಯಾದ ಮ್ಯಾಥಿವ್ ಎಬ್ಡನ್ ಜೋಡಿ ಮಯಾಮಿಯಲ್ಲಿ ನಡೆದ ಎ.ಟಿ.ಪಿ ಮಾಸ್ಟರ್ಸ್ ೧೦೦೦ ಟೂರ್ನಿಯ ಭಾಗವಾದ ಮಯಾಮಿ ಓಪನ್ ಟೆನ್ನಿಸ್ ಟೂರ್ನಿಯಲ್ಲಿಯೂ ಪುರುಷರ ಡಬಲ್ಸ್ನಲ್ಲಿ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಿದೆ. ತಾ.೩೧ ರಂದು ನಡೆದ ಫೈನಲ್ ಪಂದ್ಯದಲ್ಲಿ ೪೪ ರ ಹರೆಯದ ಬೋಪಣ್ಣ ಹಾಗೂ ಎಬ್ಡನ್ ಎದುರಾಳಿ ಕ್ರೊಯೇಷಿಯಾದ ಇವಾನ್ ಡಾಡಿಜ್ ಹಾಗೂ ಅಮೇರಿಕಾದ ಆಸ್ಟಿನ್ ಕ್ರಜಿಸೆಕ್ ಜೋಡಿಯನ್ನು ಸೋಲಿಸಿದರು. ಮೊದಲ ಸೆಟ್ ೬-೬ ಸಮಬಲದ ಬಳಿಕ ಟೈ ಬ್ರೇಕರ್‌ನಲ್ಲಿ ೩-೭ ಸೋಲನುಭವಿಸಿದ ಬೋಪಣ್ಣ - ಎಬ್ಡನ್ ಜೋಡಿ, ಎರಡನೇ ಸೆಟ್‌ನಲ್ಲಿ ೬-೩ ಗೆಲುವು ಸಾಧಿಸಿತು. ನಂತರ ನಡೆದ ಶೂಟೌಟ್ ನಲ್ಲಿ (೧೦ ಅಂಕಗಳ ಪಂದ್ಯ) ೧೦-೬ ಅಂಕಗಳ ಮೂಲಕ ಚಾಂಪಿಯನ್ ಪಟ್ಟ ಅಲಂಕರಿಸಿತು.