ಸಿದ್ದಾಪುರ, ಮೇ ೧೪: ಉಡುಪಿಯಲ್ಲಿ ಇತ್ತೀಚೆಗೆ ನಡೆದ ಪಂಜಕುಸ್ತಿ ಚಾಂಪಿಯನ್‌ಶಿಪ್ ಸ್ಪರ್ಧೆಯಲ್ಲಿ ಭಾಗವಹಿಸಿದ ನೆಲ್ಯಹುದಿಕೇರಿಯ ಯುವಕರಲ್ಲಿ ಈರ್ವರು ಚಾಂಪಿಯನ್ ಆಗಿ ಹೊರಹೊಮ್ಮಿ ರಾಷ್ಟçಮಟ್ಟಕ್ಕೆ ಆಯ್ಕೆಯಾದರೆ, ಮತ್ತೋರ್ವ ತೃತೀಯ ಪ್ರಶಸ್ತಿ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಪಂಜಕುಸ್ತಿಯ ಹದಿನೆಂಟು ವರ್ಷ ಪ್ರಾಯದ ವಿಭಾಗದಲ್ಲಿ ನೆಲ್ಯಹುದಿಕೇರಿಯ ಅಹ್ಮದ್ ನಜಾದ್ ಭಾಗವಹಿಸಿ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ. ಯುವಕರ ವಿಭಾಗದಲ್ಲಿ ಅಜಿತ್ ಮಹೇಶ್ ಭಾಗವಹಿಸಿ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ. ೩೦ ವರ್ಷ ಮೇಲ್ಪಟ್ಟವರ ಸ್ಪರ್ಧೆಯಲ್ಲಿ ಭಾಗವಹಿಸಿದ ಮಣಿ ಉತ್ತಮ್ಮ ಪೈಪೋಟಿ ನೀಡಿದ್ದು ತೃತೀಯ ಪ್ರಶಸ್ತಿ ಗಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಚಾಂಪಿಯನ್ ಆಗಿ ಹೊರಹೊಮ್ಮಿದ ಮಹಮ್ಮದ್ ನಜಾಹುದ್ದಿನ್ ಮತ್ತು ಅಜಿತ್ ಮಹೇಶ್ ನಾಗಪುರದಲ್ಲಿ ನಡೆಯಲಿರುವ ರಾಷ್ಟçಮಟ್ಟದ ಸ್ಪರ್ಧೆಯಲ್ಲಿ ಭಾಗವಹಿಸಲಿದ್ದಾರೆ. ಇವರು ನೆಲ್ಯಹುದಿಕೇರಿಯ ತರಬೇತುದಾರ ನಿವಿನ್ ಜೋಸೆಫ್ ಮಾರ್ಗದರ್ಶನದಲ್ಲಿ ಪಂಜಕುಸ್ತಿ ತರಬೇತಿಯನ್ನು ಪಡೆದಿದ್ದಾರೆ.