ಗುಡ್ಡೆಹೊಸೂರು, ಜೂ. ೧೪: ರಾಷ್ಟಿçÃಯ ಹೆದ್ದಾರಿಯಲ್ಲಿ ನಡೆದ ಅಪಘಾತದಲ್ಲಿ ಜಿಂಕೆ ಸಾವನ್ನಪ್ಪಿರುವ ಘಟನೆ ಕುಶಾಲನಗರ-ಮಡಿಕೇರಿ ರಸ್ತೆ ನಡುವಿನ ಆನೆಕಾಡುವಿನಲ್ಲಿ ನಡೆದಿದೆ.

ಕುಶಾಲನಗರದಿಂದ ಮಡಿಕೇರಿಗೆ ನೂತನ ಮಹೇಂದ್ರ ೭೦೦ ಕಾರನ್ನು ಮಾಲೀಕರಿಗೆ ಹಸ್ತಾಂತರಿಸುವ ಸಲುವಾಗಿ ಚಲಾಯಿಸಿಕೊಂಡು ಬರುತ್ತಿದ್ದ ಸಂದರ್ಭ ಜಿಂಕೆಯೊAದು ಅರಣ್ಯ ಪ್ರದೇಶದಿಂದ ರಸ್ತೆಗೆ ದಿಢೀರನೆ ನುಗ್ಗಿದೆ. ಇದರಿಂದ ಕಾರು ಜಿಂಕೆಗೆ ಡಿಕ್ಕಿಯಾಗಿದೆ. ಅಪಘಾತಗೊಂಡ ಜಿಂಕೆ ಸ್ವಲ್ಪ ದೂರ ಓಡಿ ಪ್ರಾಣ ಕಳೆದುಕೊಂಡಿದೆ. ಕಾರಿನ ಮುಂಭಾಗವೂ ಜಖಂಗೊAಡು ಮುಂಭಾಗದ ಏರ್ ಬ್ಯಾಗ್ ತೆರೆದುಕೊಂಡಿದೆ. ಕುಶಾಲನಗರದ ಶೋರೂಂನಿAದ ನೂತನ ಕಾರನ್ನು ಮಾಲೀಕರಿಗೆ ಹಸ್ತಾಂತರಿಸಲೆAದು ಬರಲಾಗುತಿತ್ತು. ಘಟನೆಯಿಂದ ಇದೀಗ ಕಾರು ಮಾಲೀಕರ ಕೈ ಸೇರದೆ ಜಖಂಗೊAಡ ಸ್ಥಿತಿಯಲ್ಲಿದೆ.

ಸಾವನ್ನಪ್ಪಿದ ಗಂಡು ಜಿಂಕೆಯನ್ನು ಅರಣ್ಯ ಇಲಾಖೆ ಅಧಿಕಾರಿಗಳು ಹಾಗೂ ಸಿಬ್ಬಂದಿ ವಶಕ್ಕೆ ಪಡೆದು ಅಂತ್ಯ ಸಂಸ್ಕಾರ ನಡೆಸಿದರು. ಈ ಸಂಬAಧ ಅರಣ್ಯ ಇಲಾಖೆ ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕ್ರಮಕೈಗೊಂಡಿದೆ. ಸ್ಥಳಕ್ಕೆ ವಲಯ ಅರಣ್ಯಧಿಕಾರಿ ರತನ್ ಕುಮಾರ್, ಉಪವಲಯ ಅರಣ್ಯಾಧಿಕಾರಿ ದೇವಯ್ಯ, ಅನಿಲ್ ಡಿಸೋಜ, ಅರಣ್ಯ ರಕ್ಷಕರು, ಸಿಬ್ಬಂದಿ ಭೇಟಿ ನೀಡಿದರು. -ಗಣೇಶ್ ಕುಡೆಕಲ್ಲು