ಕೂಡಿಗೆ, ಜು. ೧೪: ೨೦೨೪-೨೫ನೇ ಸಾಲಿನ ರಾಜ್ಯ ವಲಯದ ಕೃಷಿ ಯಂತ್ರೋಪಕರಣಗಳ ಯೋಜನೆ ಯಡಿಯಲ್ಲಿ ಸೋಮವಾರಪೇಟೆ ತಾಲೂಕು ಕೃಷಿ ಇಲಾಖೆಯ ವತಿಯಿಂದ ಸೋಮ ವಾರಪೇಟೆ, ಕುಶಾಲನಗರ ತಾಲೂಕಿನ ೪ ಮಂದಿ ರೈತರಿಗೆ ರೈತರ ವಂತಿಗೆಯ ನಡುವೆ ಸರಕಾರದ ಸಹಾಯಧನದ ಅಡಿಯಲ್ಲಿ ಮಡಿಕೇರಿ ಕ್ಷೇತ್ರದ ಶಾಸಕ ಡಾ. ಮಂತರ್ ಗೌಡ ಅವರು ಕುಶಾಲನಗರದ ಎ.ಪಿ.ಸಿ.ಎಂ.ಎಸ್. ನ ಸಭಾಂಗಣ ಮುಂಭಾಗದಲ್ಲಿ ಕೃಷಿ ಯಂತ್ರೋಪಕರಣಗಳ ವಿತರಣೆ ಮಾಡಿದರು.

ಈ ಸಂದರ್ಭದಲ್ಲಿ ಹೆಚ್ಚುವರಿ ಜಿಲ್ಲಾಧಿಕಾರಿ ಬಿ.ಎಸ್. ವೀಣಾ, ಉಪ ವಿಭಾಗಾಧಿಕಾರಿ ವಿನಾಯಕ ನರ್ವಾಡೆ, ಜಿಲ್ಲಾ ಕೃಷಿ ಇಲಾಖೆಯ ಉಪ ನಿರ್ದೇಶಕ ಸೋಮಶೇಖರ್, ಕುಶಾಲನಗರ ನಗರ ಯೋಜನಾ ಪ್ರಾಧಿಕಾರದ ಅಧ್ಯಕ್ಷ ಪ್ರಮೋದ್ ಮುತ್ತಪ್ಪ, ಸೋಮವಾರಪೇಟೆ ತಾಲೂಕು ಸಹಾಯಕ ಕೃಷಿ ನಿರ್ದೇಶಕ ವೀರಣ್ಣ, ಕುಶಾಲನಗರ ತಾಲೂಕು ತಹಶೀಲ್ದಾರ್ ಕಿರಣ್ ಗೌರಯ್ಯ, ಸೇರಿದಂತೆ ಚಿಕ್ಕ ಅಳುವಾರ ಹಳಗೋಟೆ, ಮಾದಪಟ್ಟಣ, ಗರ್ವಾಲೆ ಗ್ರಾಮದ ಫಲಾನುಭವಿ ರೈತರು ಹಾಜರಿದ್ದರು.