ಗೋಣಿಕೊಪ್ಪಲು, ಜು. ೧೭: ಕಾನೂರು ಬಳಿಯ ಮಲ್ಲಂಗೆರೆ ಗ್ರಾಮದ ಲೈನ್ ಮನೆಯಲ್ಲಿ ಕಾರ್ಮಿಕ ಮಹಿಳೆ ಶಿವಮ್ಮ ಆಲಿಯಾಸ್ ಗೀತಾಳ ಕೊಲೆಯಾಗಿದ್ದು, ಈ ಸಂಬAಧ ಕೊಲೆಯ ಆರೋಪಿಗಾಗಿ ಪೊಲೀಸರು ೪ ವಿಶೇಷ ತಂಡ ರಚಿಸಿದ್ದು ಬಾಳೆಲೆ, ಹೆಚ್.ಡಿ. ಕೋಟೆ, ಹುಣಸೂರು ಸೇರಿದಂತೆ ಇನ್ನಿತರ ಭಾಗಗಳಿಗೆ ತೆರಳಿ ಕಾರ್ಯಾಚರಣೆ ಆರಂಭಿಸಿದ್ದಾರೆ.

ಪೊನ್ನAಪೇಟೆ ತಾಲೂಕಿನ ಮಲ್ಲಂಗೆರೆ ಗ್ರಾಮ ಹುಣಸೂರು ಮೂಲದವರೆನ್ನಲಾದ ಶಿವಮ್ಮಳನ್ನು ಆಕೆಯ ಪತಿಯೇ ಕೊಲೆಗೈದಿರಬಹುದೆಂದು ಅಂದಾಜಿಸಲಾಗಿದ್ದು, ಈ ನಿಟ್ಟಿನಲ್ಲಿ ಪೊಲೀಸರು ಹಲವು ಲೈನ್‌ಮನೆಗಳಲ್ಲಿ ವಾಸವಿರುವವರ ಮಾಹಿತಿ ಸಂಗ್ರಹಿಸುತ್ತಿದ್ದಾರೆ.

ಒAದು ಲೈನ್‌ಮನೆಯಿಂದ ಮತ್ತೊಂದು ಲೈನ್‌ಮನೆಗೆ ಕಾರ್ಮಿಕರಾಗಿ ತೆರಳುತ್ತಿರುವ ಕೆಲವು ಮಂದಿ ಸರಿಯಾದ ಮಾಹಿತಿಗಳನ್ನು ತೋಟದ ಮಾಲೀಕರಿಗೆ ನೀಡದಿರುವುದು ಇಷ್ಟಕ್ಕೆಲ್ಲ ಕಾರಣವಾಗುತ್ತಿವೆ. ಸಂಶಯಾಸ್ಪದ ವ್ಯಕ್ತಿಗಳು ತೋಟದ ಲೈನ್‌ಮನೆಗಳಲ್ಲಿ ಕಂಡು ಬಂದಲ್ಲಿ ಪೊಲೀಸರಿಗೆ ಮಾಹಿತಿ ತಿಳಿಸುವಂತೆ ಅಧಿಕಾರಿಗಳು ತಿಳಿಸಿದ್ದಾರೆ.