ವೀರಾಜಪೇಟೆ, ಜು. ೧೭: ನ್ಯಾಯಬೆಲೆ ಅಂಗಡಿಯಿAದ ಪಡಿತರ ಅಕ್ಕಿ ಮನೆಗೆ ತೆಗೆದುಕೊಂಡು ಹೋಗುತ್ತಿದ್ದ ವ್ಯಕ್ತಿಯ ಮೇಲೆ ಕಾಡಾನೆ ದಾಳಿ ನಡೆಸಿದ ಘಟನೆ ವೀರಾಜಪೇಟೆ ತಾಲೂಕಿನ ಕೆದಮುಳ್ಳೂರು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಪಾಲಂಗಾಲ ಸಮೀಪದ ನೆಲ್ಲಿಗೆಮೊಟ್ಟೆ ಎಂಬಲ್ಲಿ ನಡೆದಿದ್ದು ಅದೃಷ್ಟವಶಾತ್ ವ್ಯಕ್ತಿ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ನೆಲ್ಲಿಗೆಮೊಟ್ಟೆ ನಿವಾಸಿ ನಾಯಮಂಡ ಉತ್ತಪ್ಪ (೬೯) ಎಂಬವರು ತಮ್ಮ ದ್ವಿಚಕ್ರ ವಾಹನದಲ್ಲಿ ನ್ಯಾಯಬೆಲೆ ಅಂಗಡಿಯಿAದ ಬೆಳಿಗ್ಗೆ ೧೦ ಗಂಟೆಯ ಸುಮಾರಿಗೆ ಅಕ್ಕಿ ತೆಗೆದುಕೊಂಡು ಮನೆಗೆ ಹಿಂದಿರುಗುವ ವೇಳೆಯಲ್ಲಿ ಕಾಡಾನೆ ರಸ್ತೆ ದಾಟುವ ವೇಳೆ ದಾಳಿ ಮಾಡಿದೆ. ದಾಳಿಯ ರಭಸಕ್ಕೆ ಉತ್ತಪ್ಪ ಅವರು ರಸ್ತೆ ಮೇಲೆ ಬಿದ್ದಿದ್ದಾರೆ. ಆನೆ ದಾಳಿಯಿಂದ ಸ್ಕೂಟಿ ಸಂಪೂರ್ಣ ಜಖಂಗೊAಡಿದೆ.

ಆನೆ ದಾಳಿಯಿಂದ ಉತ್ತಪ್ಪ ಅವರ ಸೊಂಟ ಹಾಗೂ ಕೈ ಕಾಲುಗಳಿಗೆ ಅಲ್ಪ ಪ್ರಮಾಣದಲ್ಲಿ ಪೆಟ್ಟಾಗಿದ್ದು ವೀರಾಜಪೇಟೆ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ದಾಖಲಾಗಿದ್ದಾರೆ.

ವೀರಾಜಪೇಟೆ ಅರಣ್ಯ ಇಲಾಖೆ ಅಧಿಕಾರಿಗಳಾದ ಡಿ.ಸಿ.ಎಫ್. ಜಗನಾಥ್ ಎನ್.ಎಚ್., ಆರ್.ಎಫ್.ಓ. ದೇವಯ್ಯ ಕೆ.ಎಂ. ಹಾಗೂ ಇಲಾಖೆ ಸಿಬ್ಬಂದಿಗಳು ಆಸ್ಪತ್ರೆಗೆ ಭೇಟಿ ನೀಡಿ ಉತ್ತಪ್ಪ ಅವರ ಆರೋಗ್ಯ ವಿಚಾರಿಸಿದ್ದಾರೆ.