ಮುಳ್ಳೂರು, ಜು. ೨೭: ಸಮೀಪದ ಆಲೂರು-ಸಿದ್ದಾಪುರ ರೋಟರಿ ಮಲ್ಲೇಶ್ವರ ಕ್ಲಬ್ ವತಿಯಿಂದ ವನಮಹೋತ್ಸವದ ಅಂಗವಾಗಿ ಆಲೂರು-ಸಿದ್ದಾಪುರದಲ್ಲಿರುವ ರೋಟರಿ ಭವನದ ಸುತ್ತಮುತ್ತ ವಿವಿಧ ಬಗೆಯ ಹಣ್ಣಿನ ಗಿಡಗಳನ್ನು ನೆಡುವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಯಿತು.

ರೋಟರಿ ಮಲ್ಲೇಶ್ವರ ಸಂಸ್ಥೆಯ ಅಧ್ಯಕ್ಷ ದಯಾನಂದ್ ಗಿಡ ನೆಡುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಬಳಿಕ ಮಾತನಾಡಿ, ರೋಟರಿ ಸಂಸ್ಥೆ ಸಮಾಜ ಸೇವೆ ಮಾಡುತ್ತಿರುವ ಜೊತೆಯಲ್ಲಿ ಅರಣ್ಯ, ಪರಿಸರ, ಆರೋಗ್ಯ ಮತ್ತು ಸ್ವಚ್ಛತೆ ಬಗ್ಗೆ ಕಾಳಜಿ ಹೊಂದಿದೆ ಎಂದರು.

ಕಾರ್ಯಕ್ರಮದಲ್ಲಿ ರೋಟರಿ ಕ್ಲಬ್ ಕಾರ್ಯದರ್ಶಿ ಹೆಚ್.ಕೆ. ಕಿರಣ್, ರೋಟರಿ ವಲಯ ಸೇನಾನಿ ಉದಯ್‌ಕುಮಾರ್, ಎ.ಎಸ್. ರಾಮಣ್ಣ, ಎಸ್.ಜೆ. ಪ್ರಸನ್ನಕುಮಾರ್, ಎ.ಜಿ. ವಿಜಯ್, ಸಂಪತ್, ನಾರಾಯಣಸ್ವಾಮಿ, ಹೆಚ್.ಜೆ. ಲೋಕೇಶ್ ಹಾಗೂ ಸ್ಥಳೀಯ ಸರಕಾರಿ ಕೈಗಾರಿಕಾ ತರಬೇತಿ ಕೇಂದ್ರದ ವಿದ್ಯಾರ್ಥಿಗಳು ಹಾಜರಿದ್ದರು.