ಪೊನ್ನಂಪೇಟೆ, ಜು. ೨೭: ಪೊನ್ನಂಪೇಟೆ ಭಾಗದಲ್ಲಿ ಕಳೆದ ರಾತ್ರಿಯಿಂದ ವಿಪರೀತ ಮಳೆಯಾಗುತ್ತಿದ್ದು, ಮಳೆ ಗಾಳಿಯ ರಭಸಕ್ಕೆ ಪೊನ್ನಂಪೇಟೆಯ ಕುಂದರಸ್ತೆಯಲ್ಲಿರುವ ಕಾವೇರಿ ನಗರದ ನಿವಾಸಿ ಎಸ್. ಕೆ. ಸುರೇಶ್ ಎಂಬುವರ ಮನೆಯ ಹಿಂಭಾಗದಲ್ಲಿ ಇದ್ದ ಭಾರಿ ಗಾತ್ರದ ಮರವೊಂದು ತಾ. ೨೫ ರ ಬೆಳಗ್ಗಿನ ಜಾವ ೫ ಗಂಟೆಗೆ ಮನೆಯ ಕಬ್ಬಿಣದ ಮೇಲ್ಛಾವಣಿಯ ಮೇಲೆ ಬಿದ್ದ ಪರಿಣಾಮ ಮನೆಗೆ ಹಾನಿ ಸಂಭವಿಸಿದೆ. ಘಟನೆಯಿಂದ ಯಾವುದೇ ರೀತಿಯ ಪ್ರಾಣ ಹಾನಿ ಆಗಿರುವುದಿಲ್ಲ. ಘಟನೆ ನಡೆದ ಸ್ಥಳಕ್ಕೆ ಗ್ರಾಮ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಪುಟ್ಟರಾಜು, ಗ್ರಾ.ಪಂ. ಅಧ್ಯಕ್ಷ ಅಣ್ಣೀರ ಹರೀಶ್ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ಪೊನ್ನಂಪೇಟೆ ಬಾಳೆಲೆ ರಸ್ತೆಯಲ್ಲಿರುವ ಮಹಿಳಾ ಸಮಾಜದ ಮೇಲ್ಛಾವಣಿಯ ಮೇಲೆ ಮರಬಿದ್ದು, ಕೆಲವು ಹೆಂಚುಗಳಿಗೆ ಹಾನಿಯಾಗಿದೆ.