ನಾಪೋಕ್ಲು, ಜು. ೨೭: ಭಾರಿ ಮಳೆಯಿಂದ ಕಡಿತಗೊಂಡಿದ್ದ ವಿದ್ಯುತ್ ಸಂಪರ್ಕವನ್ನು ೧೫ ದಿನಗಳ ನಂತರ ಮರು ಸಂಪರ್ಕ ಕಲ್ಪಿಸಲಾಯಿತು. ಮರಂದೋಡ ಗ್ರಾಮದ ಕೆರೆತಟ್ಟು, ಬಿದ್ದಂಡ ತಟ್ಟು ಹಾಗೂ ಯವಕಪಾಡಿಯ ಅಡಿಯರ ಕಾಲೋನಿಯಲ್ಲಿ ವಿಪರೀತ ಗಾಳಿ ಮಳೆಯಿಂದಾಗಿ ಸುಮಾರು ೧೫ ದಿನದಿಂದ ವಿದ್ಯುತ್ ಸಂಪರ್ಕ ಕಡಿತಗೊಂಡು ಸಮಸ್ಯೆ ಉಂಟಾಗಿತ್ತು. ಗ್ರಾಮ ಪಂಚಾಯಿತಿ ಸದಸ್ಯ ಚೋಯಮಾದಂಡ ಹರೀಶ್ ಮೊಣ್ಣಪ್ಪ ನೇತೃತ್ವದಲ್ಲಿ ಕೆಇಬಿ ಸಿಬ್ಬಂದಿ ಹಾಗೂ ಗ್ರಾಮಸ್ಥರು ಜೊತೆಗೂಡಿ ವಿದ್ಯುತ್ ಸಂಪರ್ಕ ಕಲ್ಪಿಸುವಲ್ಲಿ ಯಶಸ್ವಿಯಾದರು.